בבא מציעא סו.

1פַּטּוֹמֵי מִילֵּי בְּעָלְמָא הוּא אֲמַר לֵיהּ רַב אָשֵׁי לְאַמֵּימָר טַעְמָא מַאי כֵּיוָן דְּלוֹקֵחַ בָּעֵי לְאַתְנוֹיֵי וְהָכָא מוֹכֵר קָא מַתְנֵי אָמְרַתְּ פַּטּוֹמֵי מִילֵּי בְּעָלְמָא הוּא

2אֶלָּא מַתְנִיתָא דְּקָתָנֵי לִכְשֶׁיִּהְיוּ לְךָ מָעוֹת אַחְזִיר לָךְ מוּתָּר דְּמוֹכֵר הוּא דְּבָעֵי לְאַתְנוֹיֵי מוֹכֵר לָא אַתְנִי וְלוֹקֵחַ קָא מַתְנֵי

3וְאָמְרִינַן מַאי שְׁנָא רֵישָׁא וּמַאי שְׁנָא סֵיפָא וְאָמַר רָבָא סֵיפָא דַּאֲמַר לֵיהּ מִדַּעְתֵּיהּ טַעְמָא דַּאֲמַר לֵיהּ מִדַּעְתֵּיהּ הָא לָא אֲמַר לֵיהּ מִדַּעְתֵּיהּ לָא אָמְרִינַן פַּטּוֹמֵי מִילֵּי בְּעָלְמָא הוּא

4אֲמַר לֵיהּ נַעֲשֶׂה כְּמַאן דַּאֲמַר לֵיהּ מִדַּעְתֵּיהּ אִתְּמַר

5הָהוּא שְׁכִיב מְרַע דִּכְתַב לַהּ גִּיטָּא לִדְבֵיתְהוּ אִנְּגִיד וְאִתְּנַח אֲמַרָה לֵיהּ אַמַּאי קָא מִתְּנַחַתְּ אִי קָיְימַתְּ דִּידָךְ אֲנָא אָמַר רַב זְבִיד פַּטּוֹמֵי מִילֵּי בְּעָלְמָא הוּא

6אֲמַר לֵיהּ רַב אַחָא מִדִּפְתִּי לְרָבִינָא וְאִי לָאו פַּטּוֹמֵי מִילֵּי מַאי בְּדִידַהּ קָיְימָא לְמִישְׁדֵּי תְּנָאָה בְּגִיטָּא בְּדִידֵיהּ קָיְימָא לְמִשְׁדֵּי תְּנָאָה מַהוּ דְּתֵימָא הוּא גּוּפֵיהּ אַדַּעְתָּא דִידַהּ קָא גָמֵיר וְיָהֵיב גִּיטָּא קָא מַשְׁמַע לַן

7הִלְוָהוּ עַל שָׂדֵהוּ אָמַר רַב הוּנָא בִּשְׁעַת מַתַּן מָעוֹת קָנָה הַכֹּל לְאַחַר מַתַּן מָעוֹת לֹא קָנָה אֶלָּא כְּנֶגֶד מְעוֹתָיו וְרַב נַחְמָן אָמַר אֲפִילּוּ לְאַחַר מַתַּן מָעוֹת קָנָה הַכֹּל

8עֲבַד רַב נַחְמָן עוֹבָדָא גַּבֵּי רֵישׁ גָּלוּתָא כִּשְׁמַעְתֵּיהּ קַרְעֵיהּ רַב יְהוּדָה לִשְׁטָרֵיהּ אֲמַר לֵיהּ רֵישׁ גָּלוּתָא רַב יְהוּדָה קְרַע לִשְׁטָרָךְ אֲמַר לֵיהּ דַּרְדְּקָא קַרְעֵיהּ גַּבְרָא רַבָּה קַרְעֵיהּ חֲזָא בֵּיהּ טַעְמָא וְקַרְעֵיהּ

9אִיכָּא דְאָמְרִי אֲמַר לֵיהּ דַּרְדְּקָא קַרְעֵיהּ דְּכוּלֵּי עָלְמָא לְגַבֵּי דִּידִי בְּדִינָא דַּרְדְּקֵי נִינְהוּ

10הֲדַר אָמַר רַב נַחְמָן אֲפִילּוּ בִּשְׁעַת מַתַּן מָעוֹת לֹא קָנָה וְלֹא כְּלוּם אֵיתִיבֵיהּ רָבָא לְרַב נַחְמָן אִם אִי אַתָּה נוֹתֵן לִי מִכָּאן וְעַד שָׁלֹשׁ שָׁנִים הֲרֵי הִיא שֶׁלִּי הֲרֵי הִיא שֶׁלּוֹ

11אֲמַר לֵיהּ אֲנִי אוֹמֵר אַסְמַכְתָּא קָנְיָא וּמִנְיוֹמֵי אָמַר אַסְמַכְתָּא לָא קָנְיָא

12וּלְמִנְיוֹמֵי קַשְׁיָא מַתְנִיתִין אִיבָּעֵית אֵימָא מַתְנִיתִין רַבִּי יוֹסֵי הִיא דְּאָמַר אַסְמַכְתָּא קָנְיָא