כתר מלכות לב

1מִי יוֹדֵעַ סוֹד מִפְעֲלוֹתֶיךָ.

2בַּעֲשׂוֹתְךָ לַגּוּף צָרְכֵי פְעֻלּוֹתֶיךָ.

3וְנָתַתָּ לוֹ עֵינַיִם לִרְאוֹת אוֹתוֹתֶיךָ.

4וְאָזְנַיִם לִשְׁמֹעַ נוֹרְאוֹתֶיךָ.

5וְרַעְיוֹן לְהָבִין קְצַת סוֹדוֹתֶיךָ.

6וּפֶה לְסַפֵּר תְּהִלָּתֶךָ.

7וְלָשׁוֹן לְהַגִּיד לְכָל יָבוֹא גְּבוּרָתֶךָ.

8כָּמוֹנִי הַיּוֹם אֲנִי עַבְדְּךָ בֶּן אֲמָתֶךָ.

9הַמְסַפֵּר כְּפִי קֹצֶר לְשׁוֹנִי מְעַט מִזְעָר מֵרוֹמְמוּתֶךָ.

10וְהֵן אֵלֶּה קְצוֹת דְּרָכֶיךָ:

11וּמֶה עָצְמוּ רָאשֵׁיהֶם. כִּי חַיִּים הֵם לְמֹצְאֵיהֶם:

12בָּהֶם יוּכְלוּ כָל שׁוֹמְעֵיהֶם לְהַכִּירֶךָ.

13וְאִם לֹא רָאוּ פְּנֵי יְקָרֶךָ.

14וְכָל אֲשֶׁר לֹא יִשְׁמַע גְּבוּרָתֶךָ.

15אֵיךְ יַכִּיר אֱלָהוּתֶךָ.

16וְאֵיךְ תָּבֹא בְלִבּוֹ אֲמִתּוּתֶךָ.

17וִיכַוֵּן רַעְיוֹנָיו לַעֲבוֹדָתֶךָ.

18עַל כֵּן מָצָא עַבְדְּךָ אֶת לִבּוֹ לִזְכּוֹר לִפְנֵי אֱלֹהָיו. מְעַט מִזְעָר מֵרָאשֵׁי תְהִלּוֹתָיו:

19אוּלַי בָּם מֵעֲוֹנוֹ יַשֶּׁה. וּבַמֶּה יִתְרַצֶּה זֶה אֶל אֲדוֹנָיו הֲלֹא בְרָאשֵׁי: