כתר מלכות מ

1אֱלֹהַי יָדַעְתִּי כִּי הַמִּתְחַנְּנִים לְפָנֶיךָ.

2יָלִיצוּ עֲלֵיהֶם מַעֲשִׂים טוֹבִים אֲשֶׁר הִקְדִּימוּ. אוֹ צִדְקוֹתֵיהֶם אֲשֶׁר הֵרִימוּ.

3וַאֲנִי אֵין בִּי מַעֲשִׂים כִּי אֲנִי נָעוּר וָרֵק. כְּגֶפֶן בּוֹקֵק.

4וַאֲנִי אֵין בִּי לֹא צֶדֶק וְלֹא כֹשֶׁר. לֹא חֶסֶד וְלֹא יֹשֶׁר.

5לֹא תְפִלָּה וְלֹא תְחִנָּה. לֹא תֻמָּה וְלֹא אֱמוּנָה.

6לֹא צֶדֶק וְלֹא מִדָּה טוֹבָה. לֹא עֲבוֹדָה וְלֹא תְשׁוּבָה:

7וּבְכֵן יְהִי רָצוֹן מִלְּפָנֶיך יְיָ אֱלֹהֵינוּ וֵאלֹהֵי אֲבוֹתֵינוּ רִבּוֹן כָּל הָעוֹלָמִים לְרַחֵם עָלַי. וְהָיִיתָ קָרוֹב אֵלַי.

8לְפָקְדֵנִי בִּפְקֻדַּת רְצוֹנֶךָ. וְלָשֵׂאת אֵלַי אוֹר פָּנֶיךָ.

9וּלְהַמְצִיאֵנִי חִנֶּךָ.

10וּכְפִי מַעֲשַׂי אַל תִּגְמְלֵנִי. וְחֶרְפַּת נָבָל אַל תְּשִׂימֵנִי .

11וּבַחֲצִי יָמַי אַל תַּעֲלֵנִי. וְאַל תַּסְתֵּר פָּנֶיךָ מִמֶּנִּי.

12וּמֵחַטֹּאתַי טַהֲרֵנִי. וּמִלְּפָנֶיךָ אַל תַּשְׁלִיכֵנִי.

13וּבְכָבוֹד תְּחַיֵּנִי. וְאַחַר כָּבוֹד תִּקָּחֵנִי.

14וּבְעֵת מִן הָעוֹלָם תּוֹצִיאֵנִי. לְחַיֵּי הָעוֹלָם הַבָּא בְּשָׁלוֹם תְּבִיאֵנִי.

15וְאֶל עָל תִּקְרָאֵנִי. וּבֵין הַחֲסִידִים תּוֹשִׁיבֵנִי.

16וְעִם הַמְּנוּיִים בְּחֶלֶד חֶלְקָם בַּחַיִּים תִּמְנֵנִי. וְלֵאוֹר בְּאוֹר פָּנֶיךָ תְּזַכֵּנִי.

17וְתָשׁוּב תְּחַיֵּנִי. וּמִתְּהוֹמוֹת הָאָרֶץ תָּשׁוּב וְתַעֲלֵנִי.

18וָאֹמַר אוֹדְךָ יְיָ כִּי אָנַפְתָּ בִּי יָשׁוּב אַפְּךָ וּתְנַחֲמֵנִי. וּלְךָ יְיָ חֶסֶד עַל כָּל הַטּוֹבָה אֲשֶׁר גְּמַלְתַּנִי.

19וַאֲשֶׁר עַד יוֹם מוֹתִי תִּגְמְלֵנִי. וּבְיִרְאָתְךָ הַטְּהוֹרָה אֵל אֶחָד תְּחַזְּקֵנִי. וּבְתוֹרָתְךָ הַתְּמִימָה תְּאַמְּצֵנִי.

20וְעַל כָּל זֶה אֲנִי חַיָּב לְהוֹדוֹת לְהַלֵּל לְפָאֵר וּלְרוֹמֵם אוֹתָךְ.

21תִּשְׁתַּבַּח בְּפִי בְרוּאֶיךָ. תִּתְקַדַּשׁ בְּפִי מַקְדִּישֶׁיךָ.

22תִּתְיַחֵד בְּפִי מְיַחֲדֶךָ. תִּתְפָּאֵר בְּפִי מְפָאֲרֶיךָ.

23תִּתְרוֹמַם בְּפִי מְרוֹמֲמֶיךָ. תִּתְנַשֵּׂא בְּפִי מְנַשְּׂאֶיךָ.

24כִּי אֵין כָּמוֹךָ בָּאֱלֹהִים אֲדֹנָי וְאֵין כְּמַעֲשֶׂיךָ:

25יִהְיוּ לְרָצוֹן אִמְרֵי פִי וְהֶגְיוֹן לִבִּי לְפָנֶיךָ יְיָ צוּרִי וְגֹאֲלִי: