מחזור לראש השנה - אשכנז, סדר תשליך

3מִי אֵל כָּמֽוֹךָ:

4נֹשֵׂא עָו‍ֹן:

5וְעֹבֵר עַל פֶּֽשַׁע:

6לִשְׁאֵרִית נַחֲלָתוֹ:

7לֹא הֶחֱזִיק לָעַד אַפּוֹ:

8כִּי חָפֵץ חֶֽסֶד הוּא:

9יָשׁוּב יְרַחֲמֵֽנוּ:

10יִכְבּשׁ עֲו‍ֹנֹתֵֽינוּ:

11וְתַשְׁלִיךְ בִמְצֻלוֹת יָם

12כָּל־חַטֹּאתָם:

13תִּתֵּן אֱמֶת לְיַעֲקֹב:

14חֶֽסֶד לְאַבְרָהָם:

15אֲשֶׁר נִשְׁבַּֽעְתָּ לַאֲבֹתֵֽינוּ:

16מִימֵי קֶֽדֶם:

17מִן הַמֵּצַר

18קָרָאתִי יָהּ

19עָנָנִי

20בַּמֶּרְחָב יָהּ:

21יְהֹוָה לִי לֹא אִירָא

22מַה יַעֲשֶׂה לִי אָדָם:

23יְהֹוָה לִי בְּעוֹזְרָי

24וַאֲנִי אֶרְאֶה בְּשׂוֹנְאָי:

25טוֹב לַחֲסוֹת בַּיהֹוָה

26מִבְּטֹֽחַ בָּאָדָם:

27טוֹב לַחֲסוֹת בַּיהֹוָה

28מִבְּטֹֽחַ בִּנְדִיבִים:

29רַנְּנוּ

30צַדִּיקִים בַּיהֹוָה.

31לַיְשָׁרִים נָאוָה תְּהִלָּה:

32הוֹדוּ לַיהֹוָה בְּכִנּוֹר.

33בְּנֵֽבֶל עָשׂוֹר זַמְּרוּ־לוֹ:

34שִֽׁירוּ־לוֹ שִׁיר חָדָשׁ.

35הֵיטִֽיבוּ נַגֵּן בִּתְרוּעָה:

36כִּי־יָשָׁר דְּבַר־יְהֹוָה.

37וְכָל־מַעֲשֵֽׂהוּ בֶּאֱמוּנָה:

38אֹהֵב צְדָקָה וּמִשְׁפָּט.

39חֶֽסֶד יְהֹוָה מָלְאָה הָאָֽרֶץ:

40בִּדְבַר יְהֹוָה שָׁמַֽיִם נַעֲשׂוּ.

41וּבְרֽוּחַ פִּיו

42כָּל־צְבָאָם:

43כֹּנֵס כַּנֵּד מֵי הַיָּם.

44נֹתֵן בְּאוֹצָרוֹת תְּהוֹמוֹת:

45יִירְאוּ מֵיְהֹוָה כָּל־הָאָֽרֶץ.

46מִמֶּֽנּוּ יָגֽוּרוּ

47כָּל־ישְׁבֵי תֵבֵל:

48כִּי הוּא אָמַר וַיֶּֽהִי.

49הוּא־צִוָּה וַיַּעֲמֹד:

50יְהֹוָה הֵפִיר עֲצַת־גּוֹיִם.

51הֵנִיא מַחְשְׁבוֹת עַמִּים:

52עֲצַת יְהֹוָה לְעוֹלָם תַּעֲמֹד.

53מַחְשְׁבוֹת לִבּוֹ

54לְדֹר וָדֹר:

55אַשְׁרֵי הַגּוֹי

56אֲשֶׁר־יְהֹוָה אֱלֹהָיו.

57הָעָם בָּחַר לְנַֽחֲלָה לוֹ:

58מִשָּׁמַֽיִם הִבִּיט יְהֹוָה.

59רָאָה אֶת־כָּל־בְּנֵי הָאָדָם:

60מִמְּכוֹן־שִׁבְתּוֹ

61הִשְׁגִּֽיחַ.

62אֶל כָּל־ישְׁבֵי הָאָֽרֶץ:

63הַיֹּצֵר יַֽחַד לִבָּם.

64הַמֵּבִין אֶל־כָּל־מַעֲשֵׂיהֶם:

65אֵין הַמֶּֽלֶךְ נוֹשָׁע בְּרָב־חָֽיִל.

66גִבּוֹר לֹא־יִנָּצֵל

67בְּרָב־כֹּֽחַ:

68שֶֽׁקֶר הַסּוּס

69לִתְשׁוּעָה.

70וּבְרֹב חֵילוֹ

71לֹא יְמַלֵּט:

72הִנֵּה עֵין יְהֹוָה

73אֶל־יְרֵאָיו.

74לַמְיַחֲלִים לְחַסְדּוֹ:

75לְהַצִּיל מִמָּֽוֶת נַפְשָׁם.

76וּלְחַיּוֹתָם בָּרָעָב:

77נַפְשֵֽׁנוּ חִכְּתָה לַיהֹוָה.

78עֶזְרֵֽנוּ וּמָגִנֵּֽנוּ הוּא:

79כִּי־בוֹ יִשְׂמַח לִבֵּֽנוּ.

80כִּי בְשֵׁם קָדְשׁוֹ בָטָֽחְנוּ:

81יְהִי־חַסְדְּךָ יְהֹוָה עָלֵֽינוּ.

82כַּאֲשֶׁר יִחַֽלְנוּ לָךְ:

83וִיהִי רָצוֹן מִלְּפָנֶֽיךָ

84יְהֹוָה אֱלֹהַי וֵאלֹהֵי אֲבוֹתַי,

85אֵל עֶלְיוֹן

86מֻכְתָּר

87בִּתְלֵיסַר מְכִילִין דְּרַחֲמֵי.

88שֶׁתְּהֵא שָׁעָה זוֹ עֵת רָצוֹן לְפָנֶֽיךָ,

89וְתִהְיֶה עוֹלָה לְפָנֶֽיךָ

90קְרִיאַת שְׁלשׁ עֶשְׂרֵה מִדּוֹת

91שֶׁל רַחֲמִים, שֶׁבִּפְסוּקִים

92מִי אֵל כָּמֽוֹךָ,

93הַמְּכֻוָּנִים

94אֶל שְׁלשׁ עֶשְׂרֵה מִדּוֹת

95אֵל רַחוּם וְחַנּוּן וְגו',

96אֲשֶׁר קָרִֽינוּ לְפָנֶֽיךָ,

97כְּאִלּוּ הִשַּֽׂגְנוּ

98כָּל הַסּוֹדוֹת

99וְצֵרוּפֵי שֵׁמוֹת הַקְּדוֹשִׁים

100הַיּוֹצְאִים מֵהֶם

101וְזִוּוּגֵי מִדּוֹתֵיהֶם,

102אֲשֶׁר אֶחָד בְּאֶחָד יִגָּֽשׁוּ

103לְהַמְתִּיק הַדִּינִים תַּקִּיפִים

104וְתַשְׁלִיךְ בִּמְצוּלוֹת יָם

105כָּל־חַטֹּאתֵֽינוּ.

106וְאַתָּה בְּטוּבְךָ

107תְּעוֹרֵר רַחֲמֶֽיךָ

108וְנִהְיֶה נְקִיִּים

109מִכָּל־טֻמְאָה וְחֶלְאָה וְזוּהֲמָא.

110וְיַעֲלוּ

111כָּל־נִצּוֹצֵי הַקְּדֻשָּׁה

112אֲשֶׁר נִתְפַּזְרוּ,

113וְיִתְבַּרְרוּ וְיִתְלַבְּנוּ

114בְּמִדַּת טוּבְךָ,

115אַתָּה אֵל יְשׁוּעָתֵֽנוּ

116נוֹצֵר חֶֽסֶד

117לָאֲלָפִים,

118וּבְרֹב רַחֲמֶֽיךָ

119תִּתֵּן לָֽנוּ חַיִים אֲרוּכִים.

120חַיִּים שֶׁל שָׁלוֹם,

121חַיִּים שֶׁל טוֹבָה,

122חַיִּים שֶׁל בְּרָכָה,

123חַיִּים שֶׁל פַּרְנָסָה טוֹבָה,

124חַיִּים שֶׁל חִלּוּץ עֲצָמוֹת,

125חַיִּים שֶׁיֵּשׁ בָּהֶם

126יִרְאַת שָׁמַֽיִם וְיִרְאַת חֵטְא,

127חַיִּים שֶׁאֵין בָּהֶם

128בּוּשָׁה וּכְלִמָּה,

129חַיִּים שֶׁל עֽשֶׁר וְכָבוֹד

130לַעֲבוֹדָתֶֽךָ,

131חַיִּים שֶׁתְּהֵא בָֽנוּ

132אַהֲבַת תּוֹרָה וְיִרְאַת שָׁמַֽיִם,

133חַיִּים

134שֶׁתְמַלֵּא כָּל מִשְׁאֲלוֹת לִבֵּֽנוּ

135לְטוֹבָה.

136וְזָכְרֵֽנוּ לְחַיִּים

137מֶֽלֶךְ חָפֵץ בַּחַיִּים,

138וְכָּתְבֵֽנוּ בְּסֵֽפֶר הַחַיִּים.

139לְמַעֲנְךָ אֱלֹהִים חַיִּים,

140וּקְרַע רֹֽעַ גְּזַר דִּינֵנוּ,

141וְיִקָּרְאוּ לְפָנֶֽיךָ זָכִיּוֹתֵֽינוּ:

142אֱלֹהֵינוּ וֵאלֹהֵי אֲבוֹתֵינוּ מֶלֶךְ רַחֲמָן רַחֵם עָלֵינוּ, טוֹב וּמֵטִיב הִדָּרֵשׁ לָנוּ, שׁוּבָה אֵלֵינוּ בַּהֲמוֹן רַחֲמֶיךָ בִּגְלַל אָבוֹת שֶׁעָשׂוּ רְצוֹנֶךָ, בְּנֵה בֵיתְךָ כְּבַתְּחִילָה וְכוֹנֵן בֵּית מִקְדָּשְׁךָ עַל מְכוֹנוֹ, וְהַרְאֵנוּ בְּבִנְיָנוֹ וְשַּׂמְּחֵנוּ בְּתִקּוּנוֹ, וְהָשֵׁב שְׁכִינָתְךָ לְתוֹכוֹ, וְהָשֵׁב כֹּהֲנִים לַעֲבוֹדָתָם וּלְוִיִּים לְשִׁירָם וּלְזִמְרָם, וְהָשֵׁב יִשְּׂרָאֵל לִנְוֵיהֶם, וּמָלְאָה הָאָרֶץ דֵּעָה אֶת יְהֹוָה לְיִרְאָה וּלְאַהֲבָה אֶת שִׁמְךָ הַגָּדוֹל הַגִבּוֹר וְהַנּוֹרָא אָמֵן כֵּן יְהִי רָצוֹן, כָּל כְּלִי יוּצַר עָלַיִךְ לֹא יִצְלָח, וְכָל לָשׁוֹן תָּקוּם אִתָּךְ לַמִּשְׁפָּט תַּרְשִׁיעִי, זֹאת נַחֲלַת עַבְדֵי יְהֹוָה וְצִדְקָתָם מֵאִתִּי נְאֻם יְהֹוָה:

143לֹא יָרֵעוּ וְלֹא יַשְׁחִיתוּ בְּכָל הַר קָדְשִׁי, כִּי מָלְאָה הָאָרֶץ דֵּעָה אֶת יְהֹוָה כַּמַּיִם לַיָּם מְכַסִּים:

144יְהִי רָצוֹן מִלְּפָנֶיךָ עַל יְדֵי הֲאָרַת תִּיקּוּנִים עַתִּיקָא קַדִּישָׁא דְעַתִּיקִין שֶׁבֶּאָרִיךְ דִזְעֵיר יִכְבְּשׁוּ רַחֲמֶיךָ אֶת כַּעֲסְךָ, וְיָגֹּלוּ רַחֲמֶיךָ עַל מִדּוֹתֶיךָ, וְתִתְנַהֵג עִמָּנוּ בְּמִדַּת הָרַחֲמִים, וְתִתֶּן לָנוּ חַיִּים אֲרוּכִים וְטוֹבִים בְּעִסְקֵי תּוֹרָתֶךָ וְקִיּוּם מִצְו‍ֹתֶיךָ לַעֲשׂוֹת רְצוֹנְךָ, אָמֵן וְכֵן יְהִי רָצוֹן:

145שִׁיר הַמַּעֲלוֹת מִמַּעֲמַקִּים קְרָאתִיךָ יְהֹוָה: אֲדֹנָי שִׁמְעָה בְּקוֹלִי תִּהְיֶינָה אָזְנֶיךָ קַשֻּׁבוֹת לְקוֹל תַּחֲנוּנָי: אִם עֲו‍ֹנוֹת תִּשְׁמָר יָהּ אֲדֹנָי מִי יַעֲמֹד: כִּי עִמְּךָ הַסְּלִיחָה לְמַעַן תִּוָרֵא: קִוִּיתִי יְהֹוָה קִוְּתָה נַפְשִׁי וְלִדְבָרוֹ הוֹחָלְתִּי: נַפְשִׁי לַאדֹנָי מִשֹּׁמְרִים לַבֹּקֶר שֹׁמְרִים לַבֹּקֶר: יַחֵל יִשְּׂרָאֵל אֶל יְהֹוָה כִּי עִם יְהֹוָה הַחֶסֶד וְהַרְבֵּה עִמּוֹ פְדוּת: וְהוּא יִפְדֶּה אֶת יִשְּׂרָאֵל מִכֹּל עֲו‍ֹנוֹתָיו:

146לְעוֹלָם יְהֹוָה דְּבָרְךָ נִצָּב בַּשָּׁמַיִם: