סליחות נוסח ליטא עברי אנגלי, לערב ראש השנה יג

1לג. על פי א"ב:

2מֶלֶךְ אֶחָד יִהְיֶה אֶל־הָעַמִּים

3מֵרִים נִסַּי.

4הַשָּׂם פְּקֻדָּתִי

5שָׁלוֹם

6וְלִצְדָקָה נוֹגְשַׂי.

7אֵלָיו אֶתְוַדָּע

8וְאֹמַר אַיֵּה אֱלוֹהַּ עֹשָׂי.

9אוֹמֵר אָנִי מַעֲשַׂי לְמֶלֶךְ:

10מֶלֶךְ בְּמִשְׁפָּט יַעֲמִיד

11עַמּוֹ יִשְׂרָאֵל.

12עַל־כֵּן קִדַּמְתִּי לִבְרֹחַ

13אֶת־פְּנֵי הָאֵל.

14אֲנִי וּנְעָרַי אָצוּם כֵּן,

15הֱיוֹת תַּחֲנוּנִים שׁוֹאֵל.

16וּבְכֵן אָבוֹא אֶל־הַמֶּלֶךְ:

17מֶלֶךְ גָּדוֹל עַל־כָּל־אֱלֹהִים

18שָׁמַיִם וָאָרֶץ קוֹנֶה.

19סָבִיב לִירֵאָיו

20מַלְאָךְ יְהֹוָה חוֹנֶה.

21מַלְאֲכֵי רַחֲמִים חַלּוּ־נָא

22לשׁוֹכְנִי סְנֶה.

23הַסָּרִיסִים

24הַמְשָׁרְתִים אֶת־פְּנֵי הַמֶּלֶךְ:

25מֶלֶךְ דָּבָר אַל־תַּפֵּל

26מִכָּל אֲשֶׁר־דִּבַּרְתָּ

27לְחַזֵּק אֶת־בֶּדֶק הַבַּיִת,

28וְכַרְמְךָ לְסַקֵּל

29וּלְעַזֵּק.

30אַמֵּץ סַנֵּגוֹר וְהַס קַטֵּגוֹר

31וְלֹא יְנַזֵּק.

32כִּי אֵין הַצָּר

33שֹׁוֶה בְּנֵזֶק הַמֶּלֶךְ:

34מֶלֶךְ הַטּוֹב בְּעֵינֶיךָ רְאֵה

35עֲווֹנוֹת לָשֵּׂאת.

36בְּמַשְׂטִין תִּגְעַר

37לְהָבִיא הַשֶּׁבֶר וְהַשֵּׁאת.

38וְיֵצֵא חָפוּר

39מֵרֹב פַּחַד וּשְׂאֵת.

40כִּי כָלְתָה אֵלָיו הָרָעָה

41מֵאֵת הַמֶּלֶךְ:

42הַמֶּלֶךְ וְדָתוֹ מַגִּיעַ

43כְּחֹק יוֹם לְהֵרָשֵׁם.

44לָדִין עַמִּים

45צַדִּיק וְחוֹטֵא וְאָשֵׁם.

46וְעַתָּה יִקָּרְאוּ סוֹפְרֵי־הַמֶּלֶךְ

47הָעוֹצֵר וְהַגּוֹשֵׁם.

48כִּתְבוּ עַל־הַיְּהוּדִים

49כַּטּוֹב בְּעֵינֵיכֶם בְּשֵׁם הַמֶּלֶךְ:

50הַמֶּלֶךְ זֹהַר חַמָּה תַּחְפִּיר

51וְיֵבֹשׁוּ עוֹבְדֵי־נְבוֹ.

52וְיִמְאֲסוּן אִישׁ אֱלִילֵי־כַסְפּוֹ

53וְאִישׁ אֱלִילֵי זְהָבוֹ.

54כִּי־עַיִן בְּעַיִן יִרְאוּ

55לְצִיּוֹן בְּשׁוּבוֹ.

56וְהִנָּשְׂאוּ פִּתְחֵי עוֹלָם

57וְיָבוֹא מֶלֶךְ:

58הַמֶּלֶךְ חָכָם מְזָרֶה רָשָׁע

59וְגַם בַּעַר.

60וַיָּשֶׁב עֲלֵיהֶם אוֹפָן

61וּבָהֶם יִגְעַר.

62גָּרֵשׁ־לֵץ

63וְיֵצֵא מָדוֹן

64וּפִיהוּ לֹא־יִפְעַר.

65כִּי אֵין לָבוֹא

66אֶל שַׁעַר הַמֶּלֶךְ:

67הַמֶּלֶךְ־טוֹב

68יֵצֵא דְּבַר־מַלְכוּת מִלְּפָנָיו

69מְיֻסָּד.

70רַגְלֵי־בָנַי אֶשְׁמֹר

71וְלֹא־אָשִׂים אוֹתָם בַּסָּד.

72בְּיוֹם הַמּוּכָן לָדִין

73מִי־יִצְלַח וּמִי־יִפְסַד.

74כִּי כֵן יִסַּד הַמֶּלֶךְ:

75הַמֶּלֶךְ יוֹשֵׁב עַל־כִּסֵּא־דִּין

76קָטוֹן וְגָדוֹל מַשְׁלֵב.

77וְרוֹאֶה מִי־שָׁב בְּכָל־לֵב

78וּמִי־שָׁב כְּכֶלֶב.

79נְקֹם נִקְמַת הַנֶעֱלָב

80מִן הָעוֹלֵב.

81בַּיּוֹם הַשְּׁבִיעִי

82כְּטוֹב לֵב־הַמֶּלֶךְ:

83הַמֶּלֶךְ כָּל הָאָרֶץ

84הָאֵל הָעוֹנֶה אוֹתִי

85בְּיוֹם־צָרָתִי,

86וַיְהִי עִמָּדִי

87בְּכָל־מַחֲנֶה.

88וָעֶד סֶלָה יְסוֹבְבֵנִי

89פַלֵּט רָנֵּי.

90אִם מָצָאתִי חֵן בְּעֵינֵי הַמֶּלֶךְ:

91הַמֶּלֶךְ לַעֲשׂוֹת יְקָר יוֹתֵר

92לַעֲבָדֶיךָ הוֹאֵל.

93תִּיקַר־נָא נַפְשָׁם בְּעֵינֶיךָ

94לַמְּלָכִים לְמוֹאֵל.

95לִרְאוֹת בְּבוֹא כָל־יִשְׂרָאֵל.

96כָּל־אִישׁ וְאִשָּׁה

97אֲשֶׁר יָבוֹא אֶל־הַמֶּלֶךְ:

98הַמֶּלֶךְ מְשָׁרְתָיו יְבַקְּשׁוּ פָנָיו

99בְתַעֲנִית וּטְוַת.

100הַמֻּתְרִים

101כָּל־הַנוֹגֵעַ בָּהֶם

102כְּנוֹגֵעַ בָּבַת.

103וְהִנֵּה עֵשָׂו מְעַנָּם,

104אֱמוֹר־לוֹ, בֶּן־נַעֲוַת,

105מַדּוּעַ אַתָּה עוֹבֵר

106אֶת מִצְוַת הַמֶּלֶךְ:

107הַמֶּלֶךְ נוֹרָא

108עַד מָתַי אָסַפְתָּ בְּמִשְׁמָר.

109בְּנֵי זֶרַח וָפֶרֶץ

110תְּאוֹמֵי תָמָר.

111מַלְכוּתָם הָשֵׁב וַעֲדִינָה תְעַקֵּר

112כְּנֶאֱמַר.

113עַל אֲשֶׁר לֹא־עָשְׂתָה

114אֶת־מַאֲמַר הַמֶּלֶךְ:

115הַמֶּלֶךְ

116שָׂרָיו וַעֲבָדָיו

117יַקִּיפוּהוּ בְּאַרְמוֹנִי.

118יִרְעוּ בָשָׁן וְגִלְעָד

119לְבָדָד שׁוֹכְנִי.

120רְעֵה עַמְּךָ בְּשִׁבְטֶךָ

121לָרְוָיָה תוֹצִיאֵנִי.

122אַתָּה אֲדוֹנִי הַמֶּלֶךְ:

123הַמֶּלֶךְ

124עֵינֵי כָל־יִשְׂרָאֵל עָלֶיךָ

125לְקַבֵּץ הֲמוֹנַי.

126עוֹד יֵשְׁבוּ בְּשַׁעֲרֵי יְרוּשָׁלַיִם

127זְקֵנוֹתַי וּזְקֵינַי.

128וְאָז יַעַבְדוּךָ יַחַד

129כֹּהֲנַי וּסְגָנַי.

130וְהָיָה יְהֹוָה לְמֶלֶךְ:

131הַמֶּלֶךְ

132פְּאֵר בֵּית יְהֹוָה

133עֵינַי יְשַׂבֵּרוּן.

134וְכָל הָעָם יַחַד

135לְשִׁמְךָ יַאֲדִירוּן.

136אָז־יִמָּלֵא שְׂחוֹק פִּינוּ

137וְהַכֹּל יְשׁוֹרֵרוּן.

138וַיְהִי בִישֻׁרוּן מֶלֶךְ:

139הַמֶּלֶךְ צָרַי יָגִילוּ,

140עַד מָתַי הָאֵל.

141גָּדְלוּ וְהִצְלִיחוּ

142וְהֶחֱרִיבוּ אֲרִיאֵל.

143הִנֵּה הֵמָּה אוֹמְרִים יָדֵנוּ לָאֵל.

144וַאֲנִי לֹא נִקְרֵאתִי

145לָבוֹא אֶל־הַמֶּלֶךְ:

146הַמֶּלֶךְ קָם בַּחֲמָתוֹ

147לְכַלּוֹת כִּמְדֻבָּר.

148אוֹכְלֵי בְּשַׂר הַחֲזִיר

149הַשֶּׁקֶץ וְהָעַכְבָּר.

150יָרִיעַ אַף יַצְרִיחַ

151עַל־אוֹיְבָיו יִתְגַּבָּר.

152כִּי כֵן דְּבַר הַמֶּלֶךְ:

153מֶלֶךְ רַב,

154הָסֵר מִמֶּנּוּ לֵב הָאֶבֶן.

155כַּשֶּׁלֶג וְכַצֶּמֶר חַטָּאֵינוּ הַלְבֵּן.

156וְדַבְּקֵנוּ בְּךָ

157כְּמוֹ אֹדֶם לְלֹבֶן.

158מִשְׁפָּטֶיךָ לְמֶלֶךְ תֵּן

159וְצִדְקָתְךָ לְבֶן־מֶלֶךְ:

160הַמֶּלֶךְ שׁוֹפֵט בֶּאֱמֶת דַּלִּים,

161אַתָּה תֶחֱזֶה

162כִּי שָׁבַרְנוּ גְּאוֹן רוּחֵנוּ

163כְּהַיּוֹם הַזֶּה.

164לֵב נִשְׁבָּר וְנִדְכֶּה

165אֱלֹהִים לֹא־תִבְזֶה.

166הַמְּלָאכָה לְהָבִיא

167אֶל גִּנְזֵי הַמֶּלֶךְ:

168מֶלֶךְ תֵּן צִדְקָתְךָ לְיִשְׂרָאֵל

169כִּי נַעַר.

170לְהִדָּבֵק בּוֹ

171אִישׁ וְלוֹיוֹת כְּמַעַר.

172לֹא תִבְזֶה

173וְתִפְנֶה אֶל־תְּפִלַּת הָעַרְעָר.

174וְכָל עַבְדֵי הַמֶּלֶךְ

175אֲשֶׁר בְּשַׁעַר הַמֶּלֶךְ:

176הַמֶּלֶךְ לְהִתְחַנֵּן לוֹ בָּאתִי

177אוֹתִי לְהַתְווֹת לְחַיִּים טוֹבִים,

178מִדֶּשֶׁן בֵּיתוֹ

179לְהַרְווֹת.

180כָּל־הַגּוֹיִם לְשֵׁם יְהֹוָה לְהַקְווֹת.

181וְעָלוּ מִדֵּי שָׁנָה בְשָׁנָה

182לְהִשְׁתַּחֲווֹת לְמֶלֶךְ:

183אֵל מֶֽלֶךְ.

184יוֹשֵׁב עַל כִּסֵּא רַחֲמִים.

185מִתְנַהֵג בַּחֲסִידוּת.

186מוֹחֵל עֲו‍ֹנוֹת עַמּוֹ.

187מַעֲבִיר רִאשׁוֹן רִאשׁוֹן.

188מַרְבֶּה מְחִילָה לְחַטָּאִים

189וּסְלִיחָה לְפוֹשְׁעִים.

190עוֹשֶׂה צְדָקוֹת

191עִם כָּל בָּשָׂר וָרֽוּחַ.

192לֹא כְרָעָתָם

193תִּגְמוֹל:

194אֵל

195הוֹרֵיתָ לָנוּ לוֹמַר

196שְׁלשׁ עֶשְׂרֵה.

197וּזְכָר לָֽנוּ הַיּוֹם

198בְּרִית שְׁלשׁ עֶשְׂרֵה.

199כְּמוֹ שֶׁהוֹדַֽעְתָּ

200לֶעָנָו מִקֶּֽדֶם.

201כְּמוֹ שֶׁכָּתוּב

202וַיֵּרֶד יְהֹוָה בֶּֽעָנָן

203וַיִּתְיַצֵּב עִמּוֹ שָׁם

204וַיִּקְרָא בְשֵׁם יְהֹוָה:

205קהל וחזן:

206וַיַּֽעֲבֹר יְהֹוָה עַל פָּנָיו

207וַיִּקְרָא:

208יְהֹוָה יְהֹוָה

209אֵל רַחוּם וְחַנּוּן

210אֶֽרֶךְ אַפַּֽיִם

211וְרַב חֶֽסֶד וֶֽאֱמֶת:

212נֹצֵר חֶֽסֶד

213לָאֲלָפִים

214נֹשֵׂא עָו‍ֹן וָפֶֽשַׁע

215וְחַטָּאָה

216וְנַקֵּה:

217וְסָלַחְתָּ לַעֲו‍ֹנֵֽנוּ וּלְחַטָּאתֵֽנוּ

218וּנְחַלְתָּֽנוּ:

219סְלַח לָֽנוּ אָבִֽינוּ כִּי חָטָֽאנוּ.

220מְחַל לָֽנוּ מַלְכֵּֽנוּ כִּי פָשָֽׁעְנוּ:

221כִּי אַתָּה אֲדֹנָי

222טוֹב וְסַלָּח

223וְרַב חֶֽסֶד

224לְכָל קֹרְאֶֽיךָ:

225אַל תָּבֹא בְּמִשְׁפָּט עִמָּנוּ

226כִּי לֹא יִצְדַּק לְפָנֶֽיךָ כָּל חָי:

227הֵן בִּקְדֹשָׁיו לֹא יַאֲמִין

228וְשָׁמַיִם לֹא־זַכּוּ בְעֵינָיו׃

229אַף כִּי־אֱנוֹשׁ רִמָּה

230וּבֶן־אָדָם תּוֹלֵעָה׃

231הִנְנוּ לְפָנֶיךָ בְּאַשְׁמָתֵינוּ

232כִּי אֵין לַעֲמוֹד לְפָנֶיךָ

233עַל־זֹאת׃

234מִי־יֹאמַר זִכִּיתִי לִבִּי

235טָהַרְתִּי מֵחַטָּאתִי׃

236כְּרַחֵם אָב עַל בָּנִים

237כֵּן תְּרַחֵם יְהֹוָה עָלֵֽינוּ:

238לַיהֹוָה הַיְשׁוּעָה,

239עַל עַמְּךָ בִרְכָתֶֽךָ סֶּֽלָה:

240יְהֹוָה צְבָאוֹת עִמָּֽנוּ

241מִשְׂגָּב לָֽנוּ, אֱלֹהֵי יַעֲקֹב סֶֽלָה:

242יְהֹוָה צְבָאוֹת,

243אַשְׁרֵי אָדָם בֹּֽטֵֽחַ בָּךְ:

244יְהֹוָה הוֹשִֽׁיעָה,

245הַמֶּֽלֶךְ יַעֲנֵֽנוּ בְיוֹם קָרְאֵנוּ:

246סְלַח נָא לַעֲו‍ֹן הָעָם הַזֶּה,

247כְּגֹֽדֶל

248חַסְדֶּֽךָ.

249וְכַאֲשֶׁר נָשָֽׂאתָה לָעָם הַזֶּה.

250מִמִּצְרַֽיִם וְעַד הֵֽנָּה.

251וְשָׁם נֶאֱמַר:

252וַיֹּאמֶר יְהֹוָה

253סָלַֽחְתִּי כִּדְבָרֶֽךָ:

254הַטֵּה אֱלֹהַי אָזְנְךָ וּשְׁמָע,

255פְּקַח עֵינֶֽיךָ וּרְאֵה שֹׁמְמֹתֵֽינוּ,

256וְהָעִיר אֲשֶׁר נִקְרָא שִׁמְךָ עָלֶֽיהָ

257כִּי לֹא עַל צִדְקֹתֵֽינוּ,

258אֲנַֽחְנוּ מַפִּילִים תַּחֲנוּנֵֽינוּ לְפָנֶֽיךָ,

259כִּי עַל רַחֲמֶֽיךָ הָרַבִּים:

260אֲדֹנָי שְׁמָֽעָה, אֲדֹנָי סְלָֽחָה,

261אֲדֹנָי הַקְשִֽׁיבָה וַעֲשֵׂה,

262אַל תְּאַחַר.

263לְמַעַנְךָ אֱלֹהַי,

264כִּי שִׁמְךָ נִקְרָא

265עַל עִירְךָ וְעַל עַמֶּֽךָ: