סליחות נוסח ליטא עברי אנגלי, לערב ראש השנה יט

1לט. שם המחבר חתום מרדכי.

2אֱלֹהֵֽינוּ וֵאלֹהֵי אֲבוֹתֵֽינוּ

3מְפַלְּטִי אֵלִי צוּרִי

4סִתְרִי וּמָגִנִּי.

5וְקֶרֶן יִשְׁעִי מִשְֹגַּבִּי

6בְּיוֹם צַר־לִי וְאוֹנִי.

7הִשְׁכַּמְתִּי לְחַלּוֹתְךָ

8מֶלֶךְ רָב.

9וַאֲנִי אֵלֶיךָ יְהֹוָה

10שִׁוַּעְתִּי בַּבֹּקֶר:

11בֹּקֶר רַחֵם תִּזְכֹּר

12חֶסֶד אַבְרָהָם

13אָב אֵיתָנַי.

14אֲשֶׁר בְּחַרְתּוֹ

15וְהֶאֱמִין בְּךָ

16רֹאשׁ לְמַאֲמִינַי.

17זְכֹר בְּרִיתוֹ

18וְהוֹשִׁיעֵנִי מִטֻּמְאָתִי.

19יְהֹוָה בֹּקֶר תִּשְׁמַע קוֹלִי

20בֹּקֶר:

21בֹּקֶר דִּבַּרְתָּ עִמּוֹ

22וְנִסִּיתוֹ לְשַׁלֵּם לוֹ מַשְֹכֹּרֶת.

23וְכָרוֹת עִמּוֹ הַבְּרִית

24לִהְיוֹת לוֹ לְמִשְׁמֶרֶת.

25אֲהַבְתּוֹ וְרָצִיתוֹ

26וְקִבַּלְתּוֹ כִּקְטֹרֶת סַמִּים

27בַּבֹּקֶר בַּבֹּקֶר:

28בֹּקֶר כּוֹכְבוֹ הֵאִיר

29כְּחָפַצְתָּ לְהַרְאוֹת

30צִדְקָתוֹ הַגְּדוֹלָה.

31נִסִּיתוֹ בָּעֲשִֹירִי

32וַתֹּאמֶר־לוֹ קַח־נָא אֶת בִּנְךָ

33וְאַל־תִּכְלָא.

34עַל־אַחַד הֶהָרִים

35וְהַעֲלֵהוּ שָׁם לְעוֹלָה.

36אֶת־הַכֶּבֶשֹ אֶחָד

37תַּעֲשֶֹה בַבֹּקֶר:

38בֹּקֶר יִחַד שִׁמְךָ

39וְשָׁמַע לְקוֹלֶךָ

40וְהֶרְאָה אַהֲבָתוֹ.

41וְשָֹשֹ בְּכָל־לֵב

42עַל אִמְרָתְךָ לַעֲשֹוֹתוֹ.

43הָאַהֲבָה קִלְקְלָה הַשּׁוּרָה

44וַיָּקָם בְּשִֹמְחָתוֹ.

45וַיַּשְׁכֵּם אַבְרָהָם בַּבֹּקֶר:

46בֹּקֶר הֵכִינוּ לִבָּם שְׁנֵיהֶם

47לַעֲשֹוֹת רְצוֹנְךָ אָיוֹם.

48הַבֵּן לָקַח עֵצִים

49וְהָאָב לָקַח מַאֲכֶלֶת

50לִשְׁחֹט בְּלִי פִדְיוֹם.

51קְרוּאִים

52וְהוֹלְכִים לְתֻמָּם.

53וְרָאוּ כְּבוֹדֶךָ

54בַּיּוֹם הַשְּׁלִישִׁי בִּהְיוֹת הַבֹּקֶר:

55בֹּקֶר אָזַר

56כְּגִבּוֹר חֲלָצָיו

57וְלַעֲקֹד בְּנוֹ קָדַם.

58וַיִּקַּח מַאֲכֶלֶת לְשׁוֹחֲטוֹ

59וְלֹא־חָשַׁב אָדָם.

60וַיֹּאמֶר הַיּוֹם אַקְרִיב עוֹלָתִי

61וְאֶזְרֹק דַּם־זִבְחִי

62לֹא יָלִין עַד הַבֹּקֶר:

63בֹּקֶר רַחֲמֶיךָ נִכְמְרוּ

64עַל־בֵּן יָחִיד

65וְעָלָיו זָרָחוּ.

66וַיִּקְרָא אֵלָיו מַלְאַךְ־יְהֹוָה,

67אֶל־הַנַּעַר יָדַיִם אַל־יְשֻׁלָּחוּ.

68כִּי בְיִצְחָק

69יִקָּרֵא־לְךָ זָרַע.

70וְזִכְרוֹ לְדוֹרוֹת

71הַנִּיחוּ לָכֶם לְמִשְׁמֶרֶת

72עַד־הַבֹּקֶר:

73בֹּקֶר

74כּוֹשְׁרוֹ וְיוֹשְׁרוֹ וְצִדְקוֹ

75יָלִיץ בְּעַד־עַם אֵלֶיךָ קָרַב.

76וְאַפְרוֹ תָּמִיד יֵרָאֶה לְפָנֶיךָ

77לְכַבְּסָם הֶרֶב.

78תִּנָּתֵן לָהֶם נַפְשָׁם בִּשְׁאֵלָתָם

79כִּי לְךָ נִכְסָפָה.

80וּבָעֶרֶב הִיא בָאָה

81וּבַבֹּקֶר:

82בֹּקֶר קוֹלָם שְׁמַע

83וּתְכַפֵּר עֲווֹנוֹתֵיהֶם.

84וְעֵרֶךְ תְּפִלָּתָם תֵּחָשֵׁב

85כְּעֵרֶךְ קָרְבְּנוֹתֵיהֶם.

86לָקְחוּ וּבָאוּ

87בְּזִכְרוֹן צִדְקַת אֲבוֹתֵיהֶם.

88וְהֵם הֵבִיאוּ אֵלָיו

89עוֹד נְדָבָה בַּבֹּקֶר בַּבֹּקֶר:

90בֹּקֶר תֵּפֶן אֵלֵינוּ לְרַחֲמֵנוּ

91וְרַחֲמֶיךָ עָלֵינוּ יִכָּמְרוּ.

92וְתַשְׁלִיךְ בִּמְצוּלוֹת־יָם

93כָּל־חַטֹּאתֵינוּ

94וְלֹא יִזָּכְרוּ.

95צוּר הַעֲבֵר עֲווֹנֵנוּ מִלְּפָנֶיךָ.

96וְלֹא־יַשְׁאִירוּ מִמֶּנּוּ

97עַד־בֹּקֶר:

98אֵל מֶֽלֶךְ.

99יוֹשֵׁב עַל כִּסֵּא רַחֲמִים.

100מִתְנַהֵג בַּחֲסִידוּת.

101מוֹחֵל עֲו‍ֹנוֹת עַמּוֹ.

102מַעֲבִיר רִאשׁוֹן רִאשׁוֹן.

103מַרְבֶּה מְחִילָה לְחַטָּאִים

104וּסְלִיחָה לְפוֹשְׁעִים.

105עוֹשֶׂה צְדָקוֹת

106עִם כָּל בָּשָׂר וָרֽוּחַ.

107לֹא כְרָעָתָם

108תִּגְמוֹל:

109אֵל

110הוֹרֵיתָ לָנוּ לוֹמַר

111שְׁלשׁ עֶשְׂרֵה.

112וּזְכָר לָֽנוּ הַיּוֹם

113בְּרִית שְׁלשׁ עֶשְׂרֵה.

114כְּמוֹ שֶׁהוֹדַֽעְתָּ

115לֶעָנָו מִקֶּֽדֶם.

116כְּמוֹ שֶׁכָּתוּב

117וַיֵּרֶד יְהֹוָה בֶּֽעָנָן

118וַיִּתְיַצֵּב עִמּוֹ שָׁם

119וַיִּקְרָא בְשֵׁם יְהֹוָה:

120קהל וחזן:

121וַיַּֽעֲבֹר יְהֹוָה עַל פָּנָיו

122וַיִּקְרָא:

123יְהֹוָה יְהֹוָה

124אֵל רַחוּם וְחַנּוּן

125אֶֽרֶךְ אַפַּֽיִם

126וְרַב חֶֽסֶד וֶֽאֱמֶת:

127נֹצֵר חֶֽסֶד

128לָאֲלָפִים

129נֹשֵׂא עָו‍ֹן וָפֶֽשַׁע

130וְחַטָּאָה

131וְנַקֵּה:

132וְסָלַחְתָּ לַעֲו‍ֹנֵֽנוּ וּלְחַטָּאתֵֽנוּ

133וּנְחַלְתָּֽנוּ:

134סְלַח לָֽנוּ אָבִֽינוּ כִּי חָטָֽאנוּ.

135מְחַל לָֽנוּ מַלְכֵּֽנוּ כִּי פָשָֽׁעְנוּ:

136כִּי אַתָּה אֲדֹנָי

137טוֹב וְסַלָּח

138וְרַב חֶֽסֶד

139לְכָל קֹרְאֶֽיךָ:

140פותחין הארון:

141אַל תָּבֹא בְּמִשְׁפָּט עִמָּנוּ

142כִּי לֹא יִצְדַּק לְפָנֶֽיךָ כָּל חָי:

143וְהוּא יִשְׁפֹּט־תֵּבֵל

144בְּצֶדֶק

145וּלְאֻמִּים בְּמֵישָׁרִים:

146צֶדֶק וּמִשְׁפָּט

147מְכוֹן כִּסְאֶךָ,

148חֶסֶד וֶאֱמֶת יְקַדְּמוּ פָנֶיךָ׃

149מִלְּפָנֶיךָ

150מִשְׁפָּטֵנוּ יֵצֵא,

151עֵינֶיךָ תֶּחֱזֶינָה מֵישָׁרִים׃

152וְתוֹצִיא כָאוֹר

153צִדְקֵנוּ

154וּמִשְׁפָּטֵנוּ כַּצָּהֳרָיִם׃

155לְמִשְׁפָּטֶיךָ

156עָמְדוּ הַיּוֹם.

157כִּי הַכֹּל עֲבָדֶיךָ׃

158כִּי יְהוָה שֹׁפְטֵנוּ

159יְהוָה מְחֹקְקֵנוּ

160יְהוָה מַלְכֵּנוּ הוּא יוֹשִׁיעֵנוּ׃

161הִנָּשֵׂא שֹׁפֵט הָאָרֶץ,

162הָשֵׁב גְּמוּל עַל־גֵּאִים׃

163חָלִלָה לְּךָ

164מֵעֲשֹׂת כַּדָּבָר הַזֶּה,

165לְהָמִית צַדִּיק עִם־רָשָׁע,

166וְהָיָה כַצַּדִּיק כָּרָשָׁע,

167חָלִלָה לָּךְ.

168הֲשֹׁפֵט כָּל־הָאָרֶץ,

169לֹא יַעֲשֶׂה מִשְׁפָּט׃

170סוגרין הארון: