סליחות נוסח ליטא עברי אנגלי, לערב ראש השנה ג

1כג. ע"פ א"ב כפול. חיברו רבנו שלמה ב"ר יצחק (רש"י)

2יְהֹוָה אֱלֹהֵי הַצְּבָאוֹת,

3נוֹרָא בָעֶלְיוֹנִים.

4אָמַרְתָּ שׁוּבוּ בָנִים סַרְבָנִים:

5בֹּאוּ עָדַי בְּתוֹדָה וּבִרְנָנִים.

6בַּקְּשׁוּ פָנַי

7בִּבְכִי וּבְתַחֲנוּנִים:

8גַּם כִּי־נִסְתְּמָה

9תְּפִלַּת הֶגְיוֹנִים.

10גַּלֵּי שָׁבִים פְּתוּחִים

11כֵּיוָנִים:

12דְּבָרְךָ נִצָּב לְעוֹלְמֵי עִדָּנִים.

13דַּרְכֵי־טוּבְךָ

14נֶצַח לֹא שׁוֹנִים:

15הִנְּנוּ אָתָאנוּ־לְךָ

16כְּדַלִּים וְאֶבְיוֹנִים.

17הַצְּדָקוֹת לְךָ,

18וְלָנוּ הָעֲווֹנִים:

19וְעָדֶיךָ שַׁבְנוּ בְּבֹשֶׁת־הַפָּנִים.

20וְעַל־דַּלְתוֹתֶיךָ הוֹגִים כַּיּוֹנִים:

21זָכְרֵנוּ לְחַיִּים מְתֻקָּנִים.

22זַכֵּה כְתָמֵינוּ

23צַחִים מֻלְבָּנִים:

24חַטֹּאת נְעוּרֵינוּ מְחֵה

25כַּעֲנָנִים.

26חַדֵּשׁ יָמֵינוּ כְיָמִים קַדְמוֹנִים:

27טֻמְאָה הַעֲבֵר

28וְהָתֵם הַזֵּדוֹנִים.

29טַהֳרָה

30תִּזְרֹק מַיִם־הַנֶּאֱמָנִים:

31יָדַעְנוּ רִשְׁעֵנוּ

32סָרָבִים וְסַלּוֹנִים.

33יַקְשׁוּת־עָרְפֵּנוּ חָסוֹן כָּאַלּוֹנִים:

34כֶּרֶם נִטְעֵנוּ

35סִגְסֵג נִצָּנִים.

36כָּסּוּ פָנָיו חֲרֻלִּים קִמְשׁוֹנִים:

37לִמּוּדֵי הָרֵעַ

38צְמוּדֵי־חַמָּנִים.

39לוֹקְחֵי־שֹׁחַד רוֹדְפֵי־שַׁלְמוֹנִים:

40מַהֵר קִלְקַלְנוּ

41חֻפַּת חִתּוּנִים.

42מֵאָז הֻסַּגְנוּ לְאָחוֹר

43וְלֹא־לְפָנִים.

44נָעוּ זִבְחֵי הַכָּרִים הַמִּשְׁנִים.

45נִיחֹחֵי רֵיחַ־קְטֹרֶת סַמְמָנִים:

46שַֹר חֲמִשִּׁים

47יוֹעֵץ וּנְשֹוּא־פָנִים.

48סֶגֶן

49מָשׁוּחַ לְוִיִּים

50וְאַהֲרֹנִים:

51עֲמִידָתֵנוּ רְאֵה דַּלִּים וְרֵיקָנִים.

52עֲצֵבֵי־רוּחַ מְרוֹרִים כְּלַעֲנִים:

53פְּקַדְנוּךָ בַּצַּר

54לַחַשׁ צְקוֹנִים.

55פַּחַד דִּינֶךָ

56דּוֹאֲגִים וּמִתְאוֹנְנִים:

57צֶמַח־צְדָקָה הַצְמַח

58לְנֶּאֱמָנִים.

59צַוֵּה לְהַעֲבִיר עֲוֹנוֹת רִאשֹׁנִים:

60קוֹל הַקּוֹרֵא

61יַשְׁבִּית מְדַיְנִים.

62קַטֵּגוֹר יַהַס

63וְיַשְׁתִּיק נִרְגָּנִים:

64רוּחַ נְכֵאָה,

65דִּכְּאוּת לֵב שִׁבְרוֹנִים.

66רָצוֹן יַעֲלוּ

67כְּחֶלְבֵי קָרְבָּנִים:

68שְׁבוּעַת־אָבוֹת

69הָקֵים לַבָּנִים.

70שַׁוְעַת־קוֹרְאֶיךָ

71תִּשְׁמַע מִמְּעוֹנִים:

72תָּכִין לִבָּם לְיִרְאָתְךָ מוּכָנִים.

73תַּקְשִׁיב אָזְנֶיךָ

74שִֹיחַ־חִנּוּנִים:

75שׁוּב לְהַעֲלוֹת עַמְּךָ

76מִשְּׁאוֹנִים.

77מַהֵר יְקַדְּמוּנוּ

78רַחֲמֶיךָ קַדְמוֹנִים.

79בְּרִיבָם

80יֵצְאוּ חֲנוּנֶיךָ כֵּנִים.

81קוִֹים חֲסָדֶיךָ

82וְעַל־רַחֲמֶיךָ שְׁעוּנִים:

83כִּי עַל רַחֲמֶיךָ הָרַבִּים

84אָנוּ בְטוּחִים,

85וְעַל צִדְקוֹתֶיךָ אָנוּ נִשְׁעָנִים,

86וְלִסְלִיחוֹתֶיךָ אָנוּ מְקַוִּים,

87וְלִישׁוּעָתְךָ אָנוּ מְצַפִּים:

88אַתָּה הוּא מֶלֶךְ,

89אוֹהֵב צְדָקוֹת מִקֶּדֶם,

90מַעֲבִיר עֲוֹנוֹת עַמּוֹ,

91וּמֵסִיר חַטֹּאת יְרֵאָיו:

92כּוֹרֵת בְּרִית לָרִאשׁוֹנִים,

93וּמְקַיֵּם שְׁבוּעָה

94לָאַחֲרוֹנִים:

95אַתָּה הוּא, שֶׁיָּרַדְתָּ

96בַּעֲנַן כְּבוֹדֶךָ עַל הַר סִינַי,

97וְהֶרְאֵיתָ דַּרְכֵי טוּבְךָ

98לְמֹשֶׁה עַבְדֶּךָ:

99וְאָרְחוֹת חֲסָדֶיךָ

100גִּלִּיתָ לוֹ,

101וְהוֹדַעְתּוֹ

102כִּי אַתָּה אֵל רַחוּם וְחַנּוּן,

103אֶרֶךְ אַפַּיִם וְרַב חֶסֶד

104וּמַרְבֶּה לְהֵטִיב,

105וּמַנְהִיג אֶת־כָּל־הָעוֹלָם כֻּלּוֹ

106בְּמִדַּת הָרַחֲמִים:

107וְכֵן כָּתוּב:

108וַיֹּאמֶר

109אֲנִי אַעֲבִיר

110כָּל־טוּבִי עַל־פָּנֶיךָ

111וְקָרָאתִי בְשֵׁם יְהוָה

112לְפָנֶיךָ.

113וְחַנֹּתִי

114אֶת אֲשֶׁר אָחֹן,

115וְרִחַמְתִּי

116אֶת־אֲשֶׁר אֲרַחֵם:

117אֵל אֶֽרֶךְ־אַפַּֽיִם אַתָּה.

118וּבַֽעַל הָרַחֲמִים נִקְרֵֽאתָ.

119וְדֶֽרֶךְ תְּשׁוּבָה הוֹרֵֽיתָ:

120גְּדֻלַּת רַחֲמֶֽיךָ וַחֲסָדֶֽיךָ.

121תִּזְכֺּר הַיּוֹם וּבְכָל־יוֹם

122לְזֶֽרַע יְדִידֶֽיךָ:

123תֵּֽפֶן אֵלֵֽינוּ בְּרַחֲמִים.

124כִּי אַתָּה הוּא בַּֽעַל הָרַחֲמִים:

125בְּתַחֲנוּן וּבִתְפִלָּה

126פָּנֶֽיךָ נְקַדֵּם.

127כְּהוֹדַֽעְתָּ

128לֶעָנָיו מִקֶּֽדֶם:

129מֵחֲרוֹן אַפְּךָ שׁוּב.

130כְּמוֹ בְּתוֹרָתְךָ כָּתוּב:

131וּבְצֵל כְּנָפֶֽיךָ

132נֶחֱסֶה וְנִתְלוֹנָן.

133כְּיוֹם

134וַיֵֽרֶד יְהֺוָה בֶּעָנָן:

135תַּעֲבֺר עַל־פֶּֽשַׁע

136וְתִמְחֶה אָשָׁם.

137כְּיוֹם

138וַַיִּתְיַצֵּב עִמּוֹ שָׁם:

139תַּאֲזִין שַׁוְעָתֵֽנוּ

140וְתַקְשִׁיב מֶֽנוּ מַאֲמַר.

141כְּיוֹם

142וַיִּקְרָא בְשֵׁם יְהֹוָה,

143וְשָׁם נֶאֱמַר:

144קהל וחזן:

145וַיַּעֲבֹר יְהֺוָה עַל פָּנָיו

146וַיִּקְרָא:

147יְהֺוָה יְהֺוָה

148אֵל רַחוּם וְחַנּוּן

149אֶֽרֶךְ אַפַּֽיִם

150וְרַב־חֶֽסֶד וֶאֱמֶת:

151נֹצֵר חֶֽסֶד

152לָאֲלָפִים

153נֹשֵׂא עָוֹן וָפֶֽשַׁע

154וְחַטָּאָה

155וְנַקֵּה:

156וְסָלַחְתָּ לַעֲוֺנֵֽנוּ וּלְחַטָּאתֵֽנוּ

157וּנְחַלְתָּֽנוּ:

158סְלַח־לָֽנוּ אָבִֽינוּ כִּי־חָטָֽאנוּ.

159מְחַל־לָֽנוּ מַלְכֵּֽנוּ כִּי־פָשָֽׁעְנוּ:

160כִּי־אַתָּה אֲדֺנָי

161טוֹב וְסַלָּח

162וְרַב־חֶֽסֶד

163לְכָל־קוֹרְאֶֽיךָ:

164אַל תָּבֹא בְּמִשְׁפָּט עִמָּנוּ

165כִּי לֹא יִצְדַּק לְפָנֶֽיךָ כָּל חָי:

166דִּרְשׁוּ יְהוָה בְּהִמָּצְאוֹ

167קְרָאֻהוּ בִּהְיוֹתוֹ קָרוֹב׃

168קָרוֹב יְהוָה לְכָל־קֹרְאָיו,

169לְכֹל אֲשֶׁר יִקְרָאֻהוּ בֶאֱמֶת׃

170קָרוֹב יְהוָה לְנִשְׁבְּרֵי־לֵב

171וְאֶת־דַּכְּאֵי־רוּחַ יוֹשִׁיעַ׃

172כִּי מִי־גוֹי גָּדוֹל

173אֲשֶׁר־לוֹ אֱלֹהִים קְרֹבִים אֵלָיו

174כַּיהוָה אֱלֹהֵינוּ

175בְּכָּל־קָרְאֵנוּ אֵלָיו׃

176לְמַעַנְךָ אֱלֹהֵינוּ עֲשֵׂה

177וְלֹא לָנוּ.

178רְאֵה עֲמִידָתֵֽנוּ דַּלִּים וְרֵקִים:

179כְּרַחֵם אָב עַל בָּנִים

180כֵּן תְּרַחֵם יְהֹוָה עָלֵֽינוּ:

181לַיהֹוָה הַיְשׁוּעָה,

182עַל עַמְּךָ בִרְכָתֶֽךָ סֶּֽלָה:

183יְהֹוָה צְבָאוֹת עִמָּֽנוּ

184מִשְׂגָּב לָֽנוּ, אֱלֹהֵי יַעֲקֹב סֶֽלָה:

185יְהֹוָה צְבָאוֹת,

186אַשְׁרֵי אָדָם בֹּֽטֵֽחַ בָּךְ:

187יְהֹוָה הוֹשִֽׁיעָה,

188הַמֶּֽלֶךְ יַעֲנֵֽנוּ בְיוֹם קָרְאֵנוּ:

189קהל ואח"כ חזן:

190סְלַח נָא לַעֲו‍ֹן הָעָם הַזֶּה,

191כְּגֹֽדֶל

192חַסְדֶּֽךָ.

193וְכַאֲשֶׁר נָשָֽׂאתָה לָעָם הַזֶּה.

194מִמִּצְרַֽיִם וְעַד הֵֽנָּה.

195וְשָׁם נֶאֱמַר:

196הקהל אומרים:

197וַיֹּאמֶר יְהֹוָה

198סָלַֽחְתִּי כִּדְבָרֶֽךָ:

199הַטֵּה אֱלֹהַי אָזְנְךָ וּשְׁמָע,

200פְּקַח עֵינֶֽיךָ וּרְאֵה שֹׁמְמֹתֵֽינוּ,

201וְהָעִיר אֲשֶׁר נִקְרָא שִׁמְךָ עָלֶֽיהָ

202כִּי לֹא עַל צִדְקֹתֵֽינוּ,

203אֲנַֽחְנוּ מַפִּילִים תַּחֲנוּנֵֽינוּ לְפָנֶֽיךָ,

204כִּי עַל רַחֲמֶֽיךָ הָרַבִּים:

205אֲדֹנָי שְׁמָֽעָה, אֲדֹנָי סְלָֽחָה,

206אֲדֹנָי הַקְשִֽׁיבָה וַעֲשֵׂה,

207אַל תְּאַחַר.

208לְמַעַנְךָ אֱלֹהַי,

209כִּי שִׁמְךָ נִקְרָא

210עַל עִירְךָ וְעַל עַמֶּֽךָ: