סליחות נוסח ליטא עברי אנגלי, ליום שישי ג

1יז. על פי א"ב. חתום אליה בר שמעיה חזק:

2אֱלֹהֵֽינוּ וֵאלֹהֵי אֲבוֹתֵֽינוּ

3אֶקְרָא בְשִׁמְךָ,

4לְהַחֲזִיק־בְּךָ אֶתְעוֹרֵר.

5בִּתְפִלָּה אַשְׁמוֹר, אֲקַדֵּם

6שַׁחַר אֲעוֹרֵר.

7גַּשְׁתִּי פְּנֵי תֵבָה מֶלֶל לְבָרֵר.

8דִּקְדַּקְתִּי מַעֲרָכִי,

9דַּל־שְׂפָתַי לְגָרֵר:

10הֶן תָּוִי,

11יַאֲזִינֵנִי יַעֲנֵנִי־שַׁדַּי.

12וְאֵיפוֹא מַפְגִּיעַ־הָגוּן

13וְאַיֵּה כְּדַי.

14זִכִּיתִי לִבִּי יֹאמַר,

15וְקֹשְֶט מַעֲבָדַי.

16חַף־אֲנִי מִפֶּשַׁע,

17וְזַכּוּ מַעֲשֵׂי־יָדַי:

18טוֹבָה לְחַיָּבִים גְּמֹל,

19וְלֹא לְכִלּוּי.

20יֵחָשֵׁב כְּקָרְבָּן מִפְלָל,

21וּכְנִחֹח חִלּוּי.

22כְּפוּפֶיךָ זְקֹף,

23הֱיוֹתָם לְרֹאשׁ תָּלוּי.

24לֹא תִמָּצֶאנָה חַטֹּאת

25סֵתֶר וְגָלוּי:

26מִשְׂגָּב בַּצָּרָה הֱיֵה,

27לְבָךְ חוֹסֶה.

28נוֹדֵד אַל־תְּגַלֶּה

29נִדָּח כְּשֶׂה.

30שִׂימָה בְּנֹאדֶךָ דֶמַע,

31עֶרֶשׂ מַמְסֶה.

32עֹז לִי בָךְ,

33מָעֹז וּמַחֲסֶה:

34פְּצֵה וְהוֹצֵא לִרְוָיָה,

35אֲסִירֶיךָ תַּתִּיר.

36צְעָקוּךָ דְּפָקוּךָ,

37קְרָאוּךָ בַּצַּר לְהַעְתִּיר.

38קְבָעוּם קוֹבְעִים,

39וְרָשָׁע צַדִּיק מַכְתִּיר.

40רַב וְשׁוֹפֵט,

41לָמָה פָנֶיךָ תַּסְתִּיר:

42שְׁאוֹן־קָמֶיךָ

43הָעוֹלֶה נֶגְדְּךָ,

44הָדֵק וְכַלֵּה.

45תָּמִיד לְיוֹדְעֵי סוֹדֶךָ

46חֲסָדֶיךָ הַפְלֵה.

47אָנָא, נִדָּח הָשֵׁב,

48וְקַבֵּץ גּוֹלֶה.

49לַמָּרוֹם שָׁפֵל הָקֵם,

50וְיָרוּד הַעֲלֵה:

51יֹאמְרוּ בַגּוֹיִם

52הִגְדִּיל יְהֹוָה לַעֲשׂוֹת עִם אֵלֶּה.

53הַנְּשַׁמָּה הָיְתָה לְעֵדֶן,

54וּלְבִצָּרוֹן הַנֶּהֱרָסוֹת.

55בּוֹטְחֶיךָ הַצֵּל,

56נָסוּ בְּצִלְּךָ לַחֲסוֹת.

57רְדִיפָתָם בַּקֵּשׁ,

58עָלֶיךָ הַדָּבָר לַעֲשׂוֹת:

59שְִמְעָה דַּכָּא,

60בִּיַטָה עֵטֶף רוּחוֹ.

61יִהְיוּ לְרָצוֹן אֲמָרָיו

62וְשֶׁפֶךְ שִׂיחוֹ.

63חַזֵּק רִפְיוֹן אַמֵּץ כֹּשֵׁל

64לְהַרְוִיחוֹ.

65כִּי־הִנֵּה יוֹצֵר־הָרִים

66וּבֹרֵא־רוּחַ,

67מַגִּיד לְאָדָם מַה־שֵׂחוֹ:

68אֵל מֶֽלֶךְ.

69יוֹשֵׁב עַל כִּסֵּא רַחֲמִים.

70מִתְנַהֵג בַּחֲסִידוּת.

71מוֹחֵל עֲו‍ֹנוֹת עַמּוֹ.

72מַעֲבִיר רִאשׁוֹן רִאשׁוֹן.

73מַרְבֶּה מְחִילָה לְחַטָּאִים

74וּסְלִיחָה לְפוֹשְׁעִים.

75עוֹשֶׂה צְדָקוֹת

76עִם כָּל בָּשָׂר וָרֽוּחַ.

77לֹא כְרָעָתָם

78תִּגְמוֹל:

79אֵל

80הוֹרֵיתָ לָנוּ לוֹמַר

81שְׁלשׁ עֶשְׂרֵה.

82וּזְכָר לָֽנוּ הַיּוֹם

83בְּרִית שְׁלשׁ עֶשְׂרֵה.

84כְּמוֹ שֶׁהוֹדַֽעְתָּ

85לֶעָנָו מִקֶּֽדֶם.

86כְּמוֹ שֶׁכָּתוּב

87וַיֵּרֶד יְהֹוָה בֶּֽעָנָן

88וַיִּתְיַצֵּב עִמּוֹ שָׁם

89וַיִּקְרָא בְשֵׁם יְהֹוָה:

90קהל וחזן:

91וַיַּֽעֲבֹר יְהֹוָה עַל פָּנָיו

92וַיִּקְרָא:

93יְהֹוָה יְהֹוָה

94אֵל רַחוּם וְחַנּוּן

95אֶֽרֶךְ אַפַּֽיִם

96וְרַב חֶֽסֶד וֶֽאֱמֶת:

97נֹצֵר חֶֽסֶד

98לָאֲלָפִים

99נֹשֵׂא עָו‍ֹן וָפֶֽשַׁע

100וְחַטָּאָה

101וְנַקֵּה:

102וְסָלַחְתָּ לַעֲו‍ֹנֵֽנוּ וּלְחַטָּאתֵֽנוּ

103וּנְחַלְתָּֽנוּ:

104סְלַח לָֽנוּ אָבִֽינוּ כִּי חָטָֽאנוּ.

105מְחַל לָֽנוּ מַלְכֵּֽנוּ כִּי פָשָֽׁעְנוּ:

106כִּי אַתָּה אֲדֹנָי

107טוֹב וְסַלָּח

108וְרַב חֶֽסֶד

109לְכָל קֹרְאֶֽיךָ:

110יְהוָה אֱלֹהֵי צְבָאוֹת

111מִי־כָמוֹךָ חֲסִין יָהּ

112וֶאֱמוּנָתְךָ סְבִיבוֹתֶיךָ׃

113אֲדֹנָי שִׁמְעָה בְקוֹלֵנוּ,

114תִּהְיֶינָה אָזְנֶיךָ קַשֻּׁבוֹת,

115לְקוֹל תַּחֲנוּנֵינוּ:

116לַאדֹנָי אֱלֹהֵינוּ

117הָרַחֲמִים וְהַסְּלִחוֹת

118כִּי מָרַדְנוּ בּוֹ׃

119אַל תָּבֹא בְּמִשְׁפָּט עִמָּנוּ

120כִּי לֹא יִצְדַּק לְפָנֶֽיךָ כָּל חָי:

121כְּרַחֵם אָב עַל בָּנִים

122כֵּן תְּרַחֵם יְהֹוָה עָלֵֽינוּ:

123לַיהֹוָה הַיְשׁוּעָה,

124עַל עַמְּךָ בִרְכָתֶֽךָ סֶּֽלָה:

125יְהֹוָה צְבָאוֹת עִמָּֽנוּ

126מִשְׂגָּב לָֽנוּ, אֱלֹהֵי יַעֲקֹב סֶֽלָה:

127יְהֹוָה צְבָאוֹת,

128אַשְׁרֵי אָדָם בֹּֽטֵֽחַ בָּךְ:

129יְהֹוָה הוֹשִֽׁיעָה,

130הַמֶּֽלֶךְ יַעֲנֵֽנוּ בְיוֹם קָרְאֵנוּ:

131סְלַח נָא לַעֲו‍ֹן הָעָם הַזֶּה,

132כְּגֹֽדֶל

133חַסְדֶּֽךָ.

134וְכַאֲשֶׁר נָשָֽׂאתָה לָעָם הַזֶּה.

135מִמִּצְרַֽיִם וְעַד הֵֽנָּה.

136וְשָׁם נֶאֱמַר:

137וַיֹּאמֶר יְהֹוָה

138סָלַֽחְתִּי כִּדְבָרֶֽךָ:

139הַטֵּה אֱלֹהַי אָזְנְךָ וּשְׁמָע,

140פְּקַח עֵינֶֽיךָ וּרְאֵה שֹׁמְמֹתֵֽינוּ,

141וְהָעִיר אֲשֶׁר נִקְרָא שִׁמְךָ עָלֶֽיהָ

142כִּי לֹא עַל צִדְקֹתֵֽינוּ,

143אֲנַֽחְנוּ מַפִּילִים תַּחֲנוּנֵֽינוּ לְפָנֶֽיךָ,

144כִּי עַל רַחֲמֶֽיךָ הָרַבִּים:

145אֲדֹנָי שְׁמָֽעָה, אֲדֹנָי סְלָֽחָה,

146אֲדֹנָי הַקְשִֽׁיבָה וַעֲשֵׂה,

147אַל תְּאַחַר.

148לְמַעַנְךָ אֱלֹהַי,

149כִּי שִׁמְךָ נִקְרָא

150עַל עִירְךָ וְעַל עַמֶּֽךָ: