סידור ספרד לשבת, קבלת שבת, תהלים צב

1מִזְמוֹר שִׁיר לְיוֹם הַשַּׁבָּת:

2טוֹב לְהֹדוֹת לַיהֹוָה

3וּלְזַמֵּר לְשִׁמְךָ עֶלְיוֹן:

4לְהַגִּיד בַּבֹּֽקֶר חַסְדֶּֽךָ

5וֶאֱמוּנָתְךָ בַּלֵּילוֹת:

6עֲלֵי־עָשׂוֹר וַעֲלֵי־נָֽבֶל

7עֲלֵי הִגָּיוֹן בְּכִנּוֹר:

8כִּי שִׂמַּחְתַּֽנִי יְהֹוָה

9בְּפָעֳלֶֽךָ

10בְּמַעֲשֵׂי יָדֶֽיךָ אֲרַנֵּן:

11מַה־גָּדְלוּ מַעֲשֶֽׂיךָ יְהֹוָה

12מְאֹד עָמְקוּ מַחְשְׁבֹתֶֽיךָ:

13אִישׁ־בַּֽעַר לֹא יֵדָע

14וּכְסִיל לֹא־יָבִין אֶת־זֹאת:

15בִּפְרֹֽחַ רְשָׁעִים כְּמוֹ עֵֽשֶׂב

16וַיָּצִֽיצוּ כָּל־פֹּֽעֲלֵי אָֽוֶן

17לְהִשָּׁמְדָם עֲדֵי־עַד:

18וְאַתָּה מָרוֹם לְעֹלָם

19יְהֹוָה:

20כִּי הִנֵּה אֹיְבֶֽיךָ יְהֹוָה

21כִּי־הִנֵּה אֹיְבֶֽיךָ יֹאבֵֽדוּ

22יִתְפָּרְדוּ כָּל־פֹּֽעֲלֵי אָֽוֶן:

23וַתָּֽרֶם כִּרְאֵים קַרְנִי

24בַּלֹּתִי בְּשֶֽׁמֶן רַעֲנָן:

25וַתַּבֵּט עֵינִי

26בְּשׁוּרָי

27בַּקָּמִים עָלַי מְרֵעִים

28תִּשְׁמַֽעְנָה אָזְנָי:

29צַדִּיק כַּתָּמָר יִפְרָח

30כְּאֶֽרֶז בַּלְּבָנוֹן יִשְׂגֶּה:

31שְׁתוּלִים בְּבֵית יְהֹוָה

32בְּחַצְרוֹת אֱלֹהֵֽינוּ

33יַפְרִֽיחוּ:

34עוֹד יְנוּבוּן בְּשֵׂיבָה

35דְּשֵׁנִים וְרַעֲנַנִּים יִהְיוּ:

36לְהַגִּיד כִּי־יָשָׁר יְהֹוָה

37צוּרִי

38וְלֹא־עַוְלָֽתָה בּוֹ: