סידור אשכנז, שבת, קבלת שבת, תהילים צה
סידור אשכנז · Siddur Ashkenaz, Shabbat, Kabbalat Shabbat, Psalm 95
Open in the reader →1ביום טוב שחל בשבת ובשבת חול המועד מתחילים מזמור לדוד .
2לְכוּ נְרַנְּנָה לַיהֹוָה נָרִֽיעָה לְצוּר יִשְׁעֵֽנוּ: נְקַדְּמָה פָנָיו בְּתוֹדָה בִּזְמִרוֹת נָרִֽיעַ לוֹ: כִּי אֵל גָּדוֹל יְהֹוָה וּמֶֽלֶךְ גָּדוֹל עַל־כָּל־אֱלֹהִים: אֲשֶׁר בְּיָדוֹ מֶחְקְרֵי־אָֽרֶץ וְתוֹעֲפוֹת הָרִים לוֹ: אֲשֶׁר־לוֹ הַיָּם וְהוּא עָשָֽׂהוּ וְיַבֶּֽשֶׁת יָדָיו יָצָֽרוּ: בֹּֽאוּ נִשְׁתַּחֲוֶה וְנִכְרָֽעָה נִבְרְכָה לִפְנֵי־יְהֹוָה עֹשֵֽׂנוּ: כִּי הוּא אֱלֹהֵֽינוּ וַאֲנַֽחְנוּ עַם מַרְעִיתוֹ וְצֹאן יָדוֹ הַיּוֹם אִם־בְּקֹלוֹ תִשְׁמָֽעוּ: אַל־תַּקְשׁוּ לְבַבְכֶם כִּמְרִיבָה כְּיוֹם מַסָּה בַּמִּדְבָּר: אֲשֶׁר נִסּֽוּנִי אֲבוֹתֵיכֶם בְּחָנֽוּנִי גַּם־רָאוּ פָעֳלִי: אַרְבָּעִים שָׁנָה אָקוּט בְּדוֹר וָאֹמַר עַם תֹּעֵי לֵבָב הֵם וְהֵם לֹא־יָדְעוּ דְרָכָי: אֲשֶׁר־נִשְׁבַּֽעְתִּי בְאַפִּי אִם־יְבֹאוּן אֶל־מְנוּחָתִי: