סליחות נוסח ליטא עברי אנגלי, לערב ראש השנה ז

1כז. על פי א"ב. חתום שלמה חזק ואמץ:

2אֱלֹהֵֽינוּ וֵאלֹהֵי אֲבוֹתֵֽינוּ

3אָנָּא עוֹרְרָה אַהֲבָתְךָ הַיְשָׁנָה.

4אֲשֶׁר אָהַבְתָּ

5לַעֲדַת מִי־מָנָה.

6בְּכָל־כִּנּוּי חִבָּה וְאַחְוָה.

7וְרֵעוּת מְכֻנָּה.

8לְמַעַן אַחַי וְרֵעָי

9אֲדַבְּרָה־נָּא:

10גַּם בְּצַעְדְּךָ עַל־הַר־גַּבְנוּנִי.

11גִּיל לְשַׁעֲשֵׁעַ חֶמֶד קַדְמוֹנִי.

12דִּמִּיתָ מַמְלֶכֶת כֹּהֲנִים

13וְגוֹי־קָדוֹשׁ, וּבְנִי.

14וְהִיא גַם־הִיא אָמְרָה,

15אָחִי הוּא, מַלְכִּי וַאֲדוֹנִי:

16הוֹרַשְׁתָּ

17נַחֲלַת־צְבִי, חֶבֶל הַנָּעִים.

18הִסְתּוֹפֵף לִכְבוֹדְךָ,

19בְּלוֹיוֹת צַעֲצֻעִים.

20וְהֵן עַתָּה טִלְטְלוּהָ

21זָרִים, זֵדִים מְרֵעִים.

22בְּאֶרֶץ לֹא־לָהֶם,

23הֲלֹא אַחֶיךָ רוֹעִים:

24זְכֹר אַל־תִּשְׁכַּח,

25וְאַל־תֶּחֱרַשׁ וְאַל תִּשְׁקֹט אֵל.

26זָמְמוּ לְהַכְחִידִי אֱדוֹם וְיִשְׁמָעֵאל.

27חַנּוּן, אַתָּה יָדַעְתָּ

28אֶת־כָּל הַתְּלָאוֹת הָאֵל.

29כֹּה אָמַר אָחִיךָ יִשְֹרָאֵל:

30טָפְלוּ עָלַי וּבְקָקוּנִי בּוֹקְקִים.

31טָהֳרָה בְטֻמְאָה לְהָמִיר,

32לְחָצוּנִי דּוֹחֲקִים.

33יוֹם־יוֹם, הִנֵּה

34עֲבָדֶיךָ מֻכִּים וְלוֹקִים.

35קוֹל דְּמֵי־אָחִיךָ צוֹעֲקִים:

36כָּרוּ־לִי שִׁיחוֹת לְמוֹקֵשׁ.

37כָּלְתָה וְנִכְסְפָה נַפְשִׁי

38עֶזְרָתָה לְבַקֵּשׁ.

39לִישׁוּעָתָה־לִי עַל־פְּתָחַי לְנַקֵּשׁ.

40אֶת־אַחַי אָנֹכִי מְבַקֵּשׁ:

41מִיּוֹם כֶּסֶה,

42בְּשִׁבְתְּךָ עַל־כִּסֵּא כְבוֹדֶךָ.

43מַבִּיט לִסְקֹר יַחַד,

44לֵב־מוֹרְדֶיךָ

45וְעוֹבְדֶיךָ.

46נְגֹשֹ

47כָּל בַּעַל מַשַּׁאת בּוֹגְדֶיךָ.

48וַאֲשֶׁר יִהְיֶה לְךָ אֶת־אָחִיךָ,

49תַּשְׁמֵט יָדֶךָ:

50סְפָרִים עֵת יִקָּרְאוּ,

51לִבְרוּאֵי עוֹלָמָךְ

52שְֹאֵת חַיִּים וְחִלּוּף,

53לְשֹׁעַ וָמָךְ.

54עֶלְיוֹן, חֵן וָחֶסֶד

55בְּאֻלָּמָךְ.

56עֲרֹב עַבְדְּךָ לְטוֹב,

57וְחֵי אָחִיךָ עִמָּךְ:

58פְּנֵה אֵלַי וְחָנֵּנִי,

59וּתְנֵנִי עֶלְיוֹן.

60פַּגֵּר מְנַאֲצֶיךָ

61בְּעֹנִי וְרִשְׁיוֹן.

62צָרְכֵי חֹק טֶרֶף,

63בְּחַלְקָךְ אַפְסַנְיוֹן.

64לֹא תִקְפֹּץ אֶת־יָדְךָ,

65מֵאָחִיךָ הָאֶבְיוֹן:

66קִדַּמְתִּי בַנֶּשֶׁף,

67וָאֲשַׁוֵּעָה־לְךָ מְחוֹלְלִי.

68קַדְּמָה חַסְדֶּךָ,

69וְשָֹא פִשְׁעִי וּמַעֲלִי.

70רַחֲמֶיךָ יִתְגּוֹלְלוּ עָלַי,

71כִּמְנַחֵם אֶבְלִי.

72מִי יִתֶּנְךָ כְּאָח לִי:

73שְׁעֵה שַׁוְעַת עֲנִיֶּךָ

74וְצַעֲקָתָם.

75שָֹבְעָה בְרָעוֹת נַפְשָׁם וְחַיָּתָם.

76תַּשְׁלִיךְ בִּמְצוּלוֹת־יָם

77כָּל־חַטֹּאתָם.

78אָנָּא שָֹא־נָא

79פֶּשַׁע אַחֶיךָ,

80וְחַטָּאתָם:

81שָֹשֹ אָנֹכִי עַל־אִמְרַת־מִבְטָחֶיךָ.

82לִבַּבְתִּנִי,

83עַל־יְדֵי־צִירִים שְׁלוּחֶיךָ.

84מָתַי תַּחְשֹׂף זְרֹעֲךָ בְּכוֹחֲךָ.

85לֶךְ־נָא רְאֵה

86אֶת־שְׁלוֹם אַחֶיךָ:

87הָיִיתָה מִקֶּדֶם מִקְוֵה יִשְֹרָאֵל,

88וְחֶרֶב גַּאֲוָתָם.

89חַי, זְקֹף גַּם עַתָּה קוֹמָתָם.

90וְאַמֵּץ זְרֹעָם וְתִשְׁכֹּן בֵּינוֹתָם.

91וְאֶת־אַחֶיךָ תִּפְקֹד לְשָׁלוֹם,

92וְאֶת־עֲרֻבָּתָם:

93אֵל מֶֽלֶךְ.

94יוֹשֵׁב עַל כִּסֵּא רַחֲמִים.

95מִתְנַהֵג בַּחֲסִידוּת.

96מוֹחֵל עֲו‍ֹנוֹת עַמּוֹ.

97מַעֲבִיר רִאשׁוֹן רִאשׁוֹן.

98מַרְבֶּה מְחִילָה לְחַטָּאִים

99וּסְלִיחָה לְפוֹשְׁעִים.

100עוֹשֶׂה צְדָקוֹת

101עִם כָּל בָּשָׂר וָרֽוּחַ.

102לֹא כְרָעָתָם

103תִּגְמוֹל:

104אֵל

105הוֹרֵיתָ לָנוּ לוֹמַר

106שְׁלשׁ עֶשְׂרֵה.

107וּזְכָר לָֽנוּ הַיּוֹם

108בְּרִית שְׁלשׁ עֶשְׂרֵה.

109כְּמוֹ שֶׁהוֹדַֽעְתָּ

110לֶעָנָו מִקֶּֽדֶם.

111כְּמוֹ שֶׁכָּתוּב

112וַיֵּרֶד יְהֹוָה בֶּֽעָנָן

113וַיִּתְיַצֵּב עִמּוֹ שָׁם

114וַיִּקְרָא בְשֵׁם יְהֹוָה:

115קהל וחזן:

116וַיַּֽעֲבֹר יְהֹוָה עַל פָּנָיו

117וַיִּקְרָא:

118יְהֹוָה יְהֹוָה

119אֵל רַחוּם וְחַנּוּן

120אֶֽרֶךְ אַפַּֽיִם

121וְרַב חֶֽסֶד וֶֽאֱמֶת:

122נֹצֵר חֶֽסֶד

123לָאֲלָפִים

124נֹשֵׂא עָו‍ֹן וָפֶֽשַׁע

125וְחַטָּאָה

126וְנַקֵּה:

127וְסָלַחְתָּ לַעֲו‍ֹנֵֽנוּ וּלְחַטָּאתֵֽנוּ

128וּנְחַלְתָּֽנוּ:

129סְלַח לָֽנוּ אָבִֽינוּ כִּי חָטָֽאנוּ.

130מְחַל לָֽנוּ מַלְכֵּֽנוּ כִּי פָשָֽׁעְנוּ:

131כִּי אַתָּה אֲדֹנָי

132טוֹב וְסַלָּח

133וְרַב חֶֽסֶד

134לְכָל קֹרְאֶֽיךָ:

135אַל תָּבֹא בְּמִשְׁפָּט עִמָּנוּ

136כִּי לֹא יִצְדַּק לְפָנֶֽיךָ כָּל חָי:

137הַאֲזִינָה יְהוָה תְּפִלָּתֵנוּ

138הַקְשִׁיבָה לְקוֹל תַּחֲנוּנֵינוּ׃

139מַה־נֹּאמַר לְפָנֶֽיךָ יְהֹוָה אֱלֹהֵֽינוּ,

140מַה־נְּדַבֵּר

141וּמַה־נִּצְטַדָּק:

142אֱלֹהֵינוּ בֹּשְׁנוּ וְנִכְלַמְנוּ

143לְהָרִים אֱלֹהֵינוּ פָּנֵינוּ אֵלֶיךָ

144כִּי־רַבּוּ מְשׁוּבֹתֵינוּ

145לְךָ חָטָאנוּ׃

146חָטָאנוּ עִם־אֲבוֹתֵינוּ

147הֶעֱוִינוּ וְהִרְשָׁעְנוּ׃

148חַטֹּאת נְעוּרֵינוּ וּפְשָׁעֵינוּ

149אַל־תִּזְכֹּר

150כְּחַסְדְּךָ זְכָר־לָנוּ־אַתָּה

151לְמַעַן טוּבְךָ יְהוָה׃

152כְּרַחֵם אָב עַל בָּנִים

153כֵּן תְּרַחֵם יְהֹוָה עָלֵֽינוּ:

154לַיהֹוָה הַיְשׁוּעָה,

155עַל עַמְּךָ בִרְכָתֶֽךָ סֶּֽלָה:

156יְהֹוָה צְבָאוֹת עִמָּֽנוּ

157מִשְׂגָּב לָֽנוּ, אֱלֹהֵי יַעֲקֹב סֶֽלָה:

158יְהֹוָה צְבָאוֹת,

159אַשְׁרֵי אָדָם בֹּֽטֵֽחַ בָּךְ:

160יְהֹוָה הוֹשִֽׁיעָה,

161הַמֶּֽלֶךְ יַעֲנֵֽנוּ בְיוֹם קָרְאֵנוּ:

162סְלַח נָא לַעֲו‍ֹן הָעָם הַזֶּה,

163כְּגֹֽדֶל

164חַסְדֶּֽךָ.

165וְכַאֲשֶׁר נָשָֽׂאתָה לָעָם הַזֶּה.

166מִמִּצְרַֽיִם וְעַד הֵֽנָּה.

167וְשָׁם נֶאֱמַר:

168וַיֹּאמֶר יְהֹוָה

169סָלַֽחְתִּי כִּדְבָרֶֽךָ:

170הַטֵּה אֱלֹהַי אָזְנְךָ וּשְׁמָע,

171פְּקַח עֵינֶֽיךָ וּרְאֵה שֹׁמְמֹתֵֽינוּ,

172וְהָעִיר אֲשֶׁר נִקְרָא שִׁמְךָ עָלֶֽיהָ

173כִּי לֹא עַל צִדְקֹתֵֽינוּ,

174אֲנַֽחְנוּ מַפִּילִים תַּחֲנוּנֵֽינוּ לְפָנֶֽיךָ,

175כִּי עַל רַחֲמֶֽיךָ הָרַבִּים:

176אֲדֹנָי שְׁמָֽעָה, אֲדֹנָי סְלָֽחָה,

177אֲדֹנָי הַקְשִֽׁיבָה וַעֲשֵׂה,

178אַל תְּאַחַר.

179לְמַעַנְךָ אֱלֹהַי,

180כִּי שִׁמְךָ נִקְרָא

181עַל עִירְךָ וְעַל עַמֶּֽךָ: