סליחות נוסח ליטא עברי אנגלי, לערב ראש השנה ח

1כח. על פי א"ב. חתום יואל בר יצחק הלוי:

2אֱלֹהֵֽינוּ וֵאלֹהֵי אֲבוֹתֵֽינוּ

3אֶל אֶלוֹהַּ דָּלְפָה עֵינִי.

4אֲשַׁוֵּעַ וְיֹאמֶר הִנֵּנִי.

5אֲמָרַי הַאֲזִינָה בְּהִתְחַנְּנִי.

6עֲנֵנִי יְהֹוָה עֲנֵנִי:

7בְּמֹאזְנַיִם כִּי תְפַלֵּס דַּרְכִּי.

8בְּמִצְוֹתֶיךָ

9דַלּוֹתִי חֶלְקִי וְחִשְׁקִי.

10וְאִם כְּפָעֳלִי תַּשְׁלִים חֻקִּי.

11וָאִירָא כִּי עֵירוֹם אָנֹכִי:

12גָּרֵשׁ כַּלֵּה חֵטְא וָמֶרִי.

13גַּלֵּה נַרְתֵּק מַרְפֵּא וּצֳרִי.

14וְעָנְתָה־בִּי צִדְקָתִי

15לְיוֹצְרִי.

16בְּיוֹם־מָחָר

17כִּי־תָבֹא עַל־שְֹכָרִי:

18דֹּפִי כַּבֵּס

19וְלַבֵּן אֲדַמְדָּם.

20דְּרֹשׁ אֶת־עֲפַר־יְסוֹדָם.

21וְאַל־תְּשַׁלֵּם כִּגְמוּל יָדָם.

22כִּי רַבָּה רָעַת־הָאָדָם:

23הַנֶּפֶשׁ הַחוֹטֵאת בַּמֶּה תִתְכַּפֵּר.

24הוֹן לֹא־יוֹעִיל וְרֹב כֹּפֶר.

25הֶעֱמַדְתָּ עֵד

26מְמַהֵר לְסַפֵּר.

27מִבַּיִת וּמִחוּץ בַּכֹּפֶר:

28וּמַה־יִכְפֹּר

29וּבְיָדוֹ סְדוּרוֹת.

30עִוּוּת מַעֲשָֹיו וְכָל־הַקּוֹרוֹת.

31וְאֵיךְ־יֹאמַר

32מִי־יוֹדֵעַ סְפֻרוֹת.

33וְהִנֵּה הַנֶּגַע בַּקִּירוֹת:

34זַכִּים הַמְלַוִּים עִמְּךָ

35בְּכָל־פֶּלֶךְ.

36זְרִיזִים לִשְׁמָרְךָ

37בְּכָל אֲשֶׁר תֵּלֵךְ.

38וְשׁוֹכֶבֶת־בְּחֵיק,

39תָּעִיד בְּעָשִׁיר וָהֵלֶךְ.

40וְעָמְדָה לִפְנֵי הַמֶּלֶךְ:

41חַלְתִּי לֹא־יִכְחַד כֹּל מֶנְהוּ.

42חַוּוֹת לְאָדָם מַה־שִׂיחֵהוּ.

43וְאִם עַל־הַמִּשְׁכָּב הוּא,

44וְחִשַּׁב עִם קוֹנֵנוּ:

45טֶרֶם יִתְנַגְּפוּ רַגְלֶיךָ

46בְּעֵרָבוֹן.

47טַהֵר עַצְמְךָ מִכָּל־עָוֹן.

48לֹא־יוּכַל לְהִמָּלֵט

49בְּכָל־עִזָּבוֹן.

50יֹאמְרוּ הַמּוֹשְׁלִים בֹּאוּ חֶשְׁבּוֹן:

51יִעֵד אַרְבָּעָה פְרָקִים וְהֶחְרִית.

52יָדוּן בָּמוֹ נַחֲלַת שְׁאֵרִית.

53וְאִם־מָעֲלוּ־בָךְ,

54הַבֵּט לַבְּרִית.

55וְאַל תַּעֲמֹד־עַל־הַפֶּרֶק

56לְהַכְרִית:

57כִּי בְּיוֹם כֶּסֶה

58יָבֹא. כָּל־מִקְרֵה־אִישׁ

59לִפְנֵי חוֹצְבוֹ.

60אִם־דַּל אִם־עָשִׁיר בְּרִיבוֹ.

61עוֹלִים וְיוֹרְדִים בּוֹ:

62לְעַמְּךָ מֵלִיץ יֹשֶׁר תְּמַנֶּה.

63לְעֵת יָבֹאוּ כָּל־בְנֵי־אָדָם,

64בְּשִׁבְטוֹ לְהִמָּנֶה.

65תַּעֲבֹרְנָה הַצֹּאן

66עַל־יְדֵי מוֹנֶה:

67מִשְׁפַּט עַמּוֹ תְּחִלָּה בִּקְרֹב.

68מִשַּׁחַת תַּעַל חַיָּתָם

69לְטוֹב תַּעֲרֹב.

70וְיָדִין לְאֻמִּים לְבַדָּם מִלַּעֲרֹב.

71לְבִלְתִּי הֱיוֹת שָׁם עָרֹב:

72נָאוֹר,

73אֵלֶיךָ מִי־יְחֻבָּר.

74נוֹהֵג שֶׁבָּעוֹלָם,

75אֵין מִשְׁתַּמֵּשׁ בִּכְלִי מְשֻׁבָּר.

76וְלֹא־תִבְזֶה,

77לֵב נִדְכֶּה וְנִשְׁבָּר.

78הֲיִפָּלֵא מֵיְהֹוָה דָּבָר:

79סַתְּתוּ אֶבֶן־נֶגֶף

80לְעֵמֶק־שָׁוֶה.

81סוּרוּ טָמֵא,

82קִרְאוּ כְּסִיל הַמְחֻבֶּא.

83כִּי אֵין־הַצָּר בְּנֶזֶק שֹׁוֶה.

84הָבָה נִתְחַכְּמָה לוֹ

85פֶּן־יִרְבֶּה:

86עוֹבֵד שְׁנֵי־אֲדוֹנִים

87כְּפִי־שָׁנָיו.

88עֲשֹוֹת לְיוֹצְרוֹ

89וּלְיִצְרוֹ כִּרְצוֹנָיו.

90וְטוֹב הִדָּבֵק לְבוֹרְאוֹ

91כָּל־זְמַנָּיו.

92וְעֶבֶד חָפְשִׁי מֵאֲדוֹנָיו:

93פְּנוֹת הַיּוֹם סְעוּדָתוֹ יִכֹּן.

94פַּעֲלוֹ לָזֶה

95וְלַבָּא יְהִי נָכוֹן.

96וְעוֹשֵֹהוּ בַשַּׁבָּת

97מַה־יִסְכֹּן.

98מְעֻוָּת

99לֹא־יוּכַל לִתְקֹן:

100צְעָקָה לָכֵן קִדַּמְנוּ

101לְיוֹם הַדִּין, וְתַקְשִׁיב.

102צוֹם וּתְשׁוּבָה־שְׁלֵמָה

103חֲמָתְךָ יָשִׁיב.

104וְלֹא

105כְּשָׁב עַל־קִיאוֹ,

106בְּאֶחֱטָא וְאָשִׁיב.

107לֹא מָצְאָה יָדוֹ

108דֵּי־הָשִׁיב:

109קוּמוּ יְשֵׁנֵי־מַכְפֵּל

110לְסַעֲדִי.

111קַלּוֹתִי וּמַעַשֹ אֵין בְיָדִי.

112וְזַעֲקוּ וְהִתְפַּלְּלוּ לְאֵל עִמָּדִי.

113וּמִכֹּחֲכֶם

114שִׁחֲדוּ בַּעֲדִי:

115רַחֲמִים תְּעוֹרֵר,

116לָתֵת עָצְמָה לְאֵין אוֹנִים.

117רָם,

118כִּי־נִשְׁכְּחוּ זֶה כַּמֶּה־שָׁנִים.

119שַׁעֲרֵי־דְמָעוֹת תִּפְתַּח

120לְנִטְעֵי נַעֲמָנִים.

121בִּבְכִי יָבֹא וּבְתַחֲנוּנִים:

122שַׁדַּי, בְּמֶרְיֵינוּ

123הֲלֹא כְּנָכְרִים נֶחְשַׁבְנוּ.

124שַׁבְנוּ אֵלֶיךָ,

125וּכְאָב עַל־בֵּן תְּרַחֲמֵנוּ:

126זְכֹר כִּי בָנִים קְרָאתָנוּ,

127וְאָב אֶחָד לְכֻלָּנוּ.

128לָמָּה יִגָּרַע שֵׁם־אָבִינוּ:

129תְּשׁוּרָה אֵין בְּיָדִי לְפָנַי.

130תְּמוּרָתָהּ תִּכֹּן תְּפִלָּתִי וְתַחֲנוּנָי.

131קַח נָא אֶת הַמִּנְחָה

132הַהוֹלֶכֶת לְפָנָי.

133וְיֵדְעוּ כָּל הָעָם־הַזֶּה

134כִּי־אַתָּה יְהֹוָה:

135יָדַע וְהֵכִין

136מֵרֵאשִׁית תְּשׁוּבָה.

137אֱלֹהִים חֲשָׁבָהּ לְטוֹבָה.

138בְּכֵן רַצְנוּ עָדֶיךָ לָשׁוּבָה.

139הֲשִׁיבֵנוּ יְהֹוָה אֵלֶיךָ

140וְנָשׁוּבָה:

141יְדִידִים צָעֲקוּ

142חָלוּ, קְרוֹת בִּמְהוּמִים.

143הַקּוֹל לִמְכוֹן וִעוּדוֹ, יִשָּׁמַע

144מִמְּרוֹמִים.

145יִכָּמְרוּ רַחֲמָיו,

146בִּזְכוּת שְׁלשֶׁת תְּמִימִים.

147אֵל־שַׁדַּי, יִתֵּן לָכֶם רַחֲמִים:

148אֵל מֶֽלֶךְ.

149יוֹשֵׁב עַל כִּסֵּא רַחֲמִים.

150מִתְנַהֵג בַּחֲסִידוּת.

151מוֹחֵל עֲו‍ֹנוֹת עַמּוֹ.

152מַעֲבִיר רִאשׁוֹן רִאשׁוֹן.

153מַרְבֶּה מְחִילָה לְחַטָּאִים

154וּסְלִיחָה לְפוֹשְׁעִים.

155עוֹשֶׂה צְדָקוֹת

156עִם כָּל בָּשָׂר וָרֽוּחַ.

157לֹא כְרָעָתָם

158תִּגְמוֹל:

159אֵל

160הוֹרֵיתָ לָנוּ לוֹמַר

161שְׁלשׁ עֶשְׂרֵה.

162וּזְכָר לָֽנוּ הַיּוֹם

163בְּרִית שְׁלשׁ עֶשְׂרֵה.

164כְּמוֹ שֶׁהוֹדַֽעְתָּ

165לֶעָנָו מִקֶּֽדֶם.

166כְּמוֹ שֶׁכָּתוּב

167וַיֵּרֶד יְהֹוָה בֶּֽעָנָן

168וַיִּתְיַצֵּב עִמּוֹ שָׁם

169וַיִּקְרָא בְשֵׁם יְהֹוָה:

170קהל וחזן:

171וַיַּֽעֲבֹר יְהֹוָה עַל פָּנָיו

172וַיִּקְרָא:

173יְהֹוָה יְהֹוָה

174אֵל רַחוּם וְחַנּוּן

175אֶֽרֶךְ אַפַּֽיִם

176וְרַב חֶֽסֶד וֶֽאֱמֶת:

177נֹצֵר חֶֽסֶד

178לָאֲלָפִים

179נֹשֵׂא עָו‍ֹן וָפֶֽשַׁע

180וְחַטָּאָה

181וְנַקֵּה:

182וְסָלַחְתָּ לַעֲו‍ֹנֵֽנוּ וּלְחַטָּאתֵֽנוּ

183וּנְחַלְתָּֽנוּ:

184סְלַח לָֽנוּ אָבִֽינוּ כִּי חָטָֽאנוּ.

185מְחַל לָֽנוּ מַלְכֵּֽנוּ כִּי פָשָֽׁעְנוּ:

186כִּי אַתָּה אֲדֹנָי

187טוֹב וְסַלָּח

188וְרַב חֶֽסֶד

189לְכָל קֹרְאֶֽיךָ:

190הַצּוּר תָּמִים פָּעֳלוֹ

191כִּי כָל־דְּרָכָיו מִשְׁפָּט

192אֵל אֱמוּנָה וְאֵין עָוֶל

193צַדִּיק וְיָשָׁר הוּא׃

194לְמִשְׁפָּטֶיךָ עָמְדוּ הַיּוֹם

195כִּי הַכֹּל עֲבָדֶיךָ׃

196תִּקְעוּ בַחֹדֶשׁ שׁוֹפָר

197בַּכֵּסֶה לְיוֹם חַגֵּנוּ׃

198כִּי חֹק לְיִשְׂרָאֵל הוּא

199מִשְׁפָּט לֵאלֹהֵי יַעֲקֹב׃

200צִדְקָתְךָ

201כְּהַרְרֵי־אֵל

202מִשְׁפָּטֶךָ תְּהוֹם רַבָּה

203אָדָם־וּבְהֵמָה תוֹשִׁיעַ יְהוָה׃

204כְּרַחֵם אָב עַל בָּנִים

205כֵּן תְּרַחֵם יְהֹוָה עָלֵֽינוּ:

206לַיהֹוָה הַיְשׁוּעָה,

207עַל עַמְּךָ בִרְכָתֶֽךָ סֶּֽלָה:

208יְהֹוָה צְבָאוֹת עִמָּֽנוּ

209מִשְׂגָּב לָֽנוּ, אֱלֹהֵי יַעֲקֹב סֶֽלָה:

210יְהֹוָה צְבָאוֹת,

211אַשְׁרֵי אָדָם בֹּֽטֵֽחַ בָּךְ:

212יְהֹוָה הוֹשִֽׁיעָה,

213הַמֶּֽלֶךְ יַעֲנֵֽנוּ בְיוֹם קָרְאֵנוּ:

214סְלַח נָא לַעֲו‍ֹן הָעָם הַזֶּה,

215כְּגֹֽדֶל

216חַסְדֶּֽךָ.

217וְכַאֲשֶׁר נָשָֽׂאתָה לָעָם הַזֶּה.

218מִמִּצְרַֽיִם וְעַד הֵֽנָּה.

219וְשָׁם נֶאֱמַר:

220וַיֹּאמֶר יְהֹוָה

221סָלַֽחְתִּי כִּדְבָרֶֽךָ:

222הַטֵּה אֱלֹהַי אָזְנְךָ וּשְׁמָע,

223פְּקַח עֵינֶֽיךָ וּרְאֵה שֹׁמְמֹתֵֽינוּ,

224וְהָעִיר אֲשֶׁר נִקְרָא שִׁמְךָ עָלֶֽיהָ

225כִּי לֹא עַל צִדְקֹתֵֽינוּ,

226אֲנַֽחְנוּ מַפִּילִים תַּחֲנוּנֵֽינוּ לְפָנֶֽיךָ,

227כִּי עַל רַחֲמֶֽיךָ הָרַבִּים:

228אֲדֹנָי שְׁמָֽעָה, אֲדֹנָי סְלָֽחָה,

229אֲדֹנָי הַקְשִֽׁיבָה וַעֲשֵׂה,

230אַל תְּאַחַר.

231לְמַעַנְךָ אֱלֹהַי,

232כִּי שִׁמְךָ נִקְרָא

233עַל עִירְךָ וְעַל עַמֶּֽךָ: