סליחות נוסח ליטא עברי אנגלי, לערב ראש השנה ט

1כט. על פי א"ב. חתום אפרים בר יצחק:

2אֱלֹהֵֽינוּ וֵאלֹהֵי אֲבוֹתֵֽינוּ

3אֵל־אֱמוּנָה עֶזְרָה הָבָה.

4לְעַמְּךָ כֻּלָּם הֵטִיבָה.

5יַחַד לַמִּשְׁפָּט נִקְרָבָה:

6בּוֹחֵן לִבּוֹת כֻּלָּם.

7מוֹשֵׁל בִּגְבוּרָתוֹ עוֹלָם.

8יָבִיא בַּמִּשְׁפָּט עַל־כָּל־נֶעְלָם:

9גָּבוֹהַּ בַּמִּשְׁפָּט הָאֵל.

10נִקְדַּשׁ בְּצִדְקוֹתָיו

11כְּהַרְרֵי־אֵל

12וּמִשְׁפָּטָיו עִם יִשְֹרָאֵל:

13דְּלֵה מֵעֹנֶשׁ נְשֹוּאֶיךָ.

14בְּחֶסֶד וֶאֱמֶת מְנַשְּׂאֶיךָ.

15צֶדֶק וּמִשְׁפָּט

16מְכוֹן כִּסְאֶךָ:

17הַיְשַׁר לְפָנֶיךָ לֵב־עָקֹב.

18דִּינֶךָ הָהָר יִקֹּב.

19מִשְׁפָּט לֵאלֹהֵי יַעֲקֹב:

20וְיֹשֶׁר מִדּוֹתֶיךָ

21נֶחֱמָדוּ.

22יוֹשְׁבֵי־תֵבֵל צֶדֶק לָמָדוּ.

23לְמִשְׁפָּטֶיךָ עָמָדוּ:

24זְקוּקָה צְרוּפָה חוֹתֶמֶת.

25בְּפֹעַל אָדָם נֶחְתֶּמֶת.

26מִשְׁפְּטֵי יְהֹוָה אֱמֶת:

27חָרַד־כֹּל מִדִּין בּוֹדֵק.

28טוֹחֵן וְשׁוֹחֵק הָדֵק.

29מִשְׁפְּטֵי יְהֹוָה אֱמֶת וָצֶדֶק:

30טוֹב לְמָעוֹז כְּנָאֳמוֹ.

31יוֹם־זֶה יִשְׁכַּח זַעְמוֹ.

32לַעֲשֹוֹת מִשְׁפָּט עַמּוֹ:

33יְחַלּוּ בְצָקוּן דְּבֵקֶיךָ.

34יְסַלְסְלוּ בְשִׁלּוּם חֻקֶּיךָ.

35עַל מִשְׁפְּטֵי צִדְקֶךָ:

36כַּלֵּה פֶּשַׁע נִכְתָּם.

37וְאַל־יֵבוֹשׁוּ

38מְיַחֲלֶיךָ בְּמַבָּטָם.

39וְעָשִֹיתָ מִשְׁפָּטָם:

40לְשִׁמְךָ וּלְזִכְרְךָ הוּקַמְנוּ.

41לִבְרִית עוֹלָם הוּשַֹמְנוּ.

42וְאַל־תָּבֹא בְמִשְׁפָּט עִמָּנוּ:

43מֶלֶךְ בִּקְדוֹשֵׁי עֶרֶץ.

44בְּרַחֲמָיו יִגְדֹּר פֶּרֶץ.

45בְּמִשְׁפָּט יַעֲמִיד אָרֶץ:

46נְגִינוֹתַי כָּל־הַיּוֹם יְאַשְּׁרוּהוּ.

47שַֹגִּיא־כֹחַ לֹא מְצָאנוּהוּ.

48כִּי הַמִּשְׁפָּט לֵאלֹהִים הוּא:

49סַגֵּב חַסְדְּךָ לְעַמֶּךָ.

50לְשַׁוְעָתָם פְּתַח שָׁמֶיךָ.

51כְּמִשְׁפָּט לְאוֹהֲבֵי שְׁמֶךָ:

52עָלֶיךָ נַשְׁלִיךְ כָּל־יְהָבִים.

53כַּף־צֶדֶק תַּכְרִיעַ בַּאֲהָבִים.

54כִּי מִשְׁפָּטֶיךָ טוֹבִים:

55פָּנֶיךָ הָאֵר לִמְחִילָתִי.

56בְּבִצְעִי

57אַל־תְּכַבֶּה גַחֲלָתִי.

58כִּי לְמִשְׁפָּטֶיךָ יִחָלְתִּי:

59צַדְּקֵנוּ כְּאַחַת חֲטִיבָה.

60חָשְֹכֵנוּ מִלַּהַט הַיּוֹם־הַבָּא.

61מִשְׁפָּטֶיךָ תְּהוֹם רַבָּה:

62קָרֵב יֶשַׁע שְׁבָטֶיךָ.

63אֲחוּזִים בְּחַבְלֵי שְׁפָטֶיךָ.

64וְיוֹשֶׁר מִשְׁפָּטֶיךָ:

65רֶנֶן מִלֵּב וּבָשָֹר וּנְשָׁמָה.

66יַעֲלֶה לְךָ הַשָּׁמַיְמָה.

67מְקוֹם הַמִּשְׁפָּט שָׁמָּה:

68שׁוֹפְטֵנוּ מְחוֹקְקֵנוּ בְּכַפֶּיךָ.

69לַמֵּד דְּרָכֶיךָ מְצַפֶּיךָ.

70וְכָל מִשְׁפְּטֵי פִּיךָ:

71תַּשְׁפִּיעַ חַסְדְּךָ דַּיֵּנוּ.

72תִּגְבֹּרֶת רַחֲמֶיךָ לְמַאֲוָיֵּינוּ.

73כְּמִשְׁפָּטֶיךָ חַיֵּנוּ:

74אַפִּרְיוֹן לְעִי הַשָּׂדֶה.

75מַהֵר לְשַׁכְלֵל יְסוֹדָהּ.

76צִיּוֹן בְּמִשְׁפָּט תִּפָּדֶה:

77מֵאוֹיְבַי אִנָּקְמָה

78פִּזְּרוּנִי.

79גַּדַּע קַרְנוֹת

80זֵרוּנִי.

81וּמִשְׁפָּטֶיךָ

82יַעַזְרוּנִי:

83אֵל מֶֽלֶךְ.

84יוֹשֵׁב עַל כִּסֵּא רַחֲמִים.

85מִתְנַהֵג בַּחֲסִידוּת.

86מוֹחֵל עֲו‍ֹנוֹת עַמּוֹ.

87מַעֲבִיר רִאשׁוֹן רִאשׁוֹן.

88מַרְבֶּה מְחִילָה לְחַטָּאִים

89וּסְלִיחָה לְפוֹשְׁעִים.

90עוֹשֶׂה צְדָקוֹת

91עִם כָּל בָּשָׂר וָרֽוּחַ.

92לֹא כְרָעָתָם

93תִּגְמוֹל:

94אֵל

95הוֹרֵיתָ לָנוּ לוֹמַר

96שְׁלשׁ עֶשְׂרֵה.

97וּזְכָר לָֽנוּ הַיּוֹם

98בְּרִית שְׁלשׁ עֶשְׂרֵה.

99כְּמוֹ שֶׁהוֹדַֽעְתָּ

100לֶעָנָו מִקֶּֽדֶם.

101כְּמוֹ שֶׁכָּתוּב

102וַיֵּרֶד יְהֹוָה בֶּֽעָנָן

103וַיִּתְיַצֵּב עִמּוֹ שָׁם

104וַיִּקְרָא בְשֵׁם יְהֹוָה:

105קהל וחזן:

106וַיַּֽעֲבֹר יְהֹוָה עַל פָּנָיו

107וַיִּקְרָא:

108יְהֹוָה יְהֹוָה

109אֵל רַחוּם וְחַנּוּן

110אֶֽרֶךְ אַפַּֽיִם

111וְרַב חֶֽסֶד וֶֽאֱמֶת:

112נֹצֵר חֶֽסֶד

113לָאֲלָפִים

114נֹשֵׂא עָו‍ֹן וָפֶֽשַׁע

115וְחַטָּאָה

116וְנַקֵּה:

117וְסָלַחְתָּ לַעֲו‍ֹנֵֽנוּ וּלְחַטָּאתֵֽנוּ

118וּנְחַלְתָּֽנוּ:

119סְלַח לָֽנוּ אָבִֽינוּ כִּי חָטָֽאנוּ.

120מְחַל לָֽנוּ מַלְכֵּֽנוּ כִּי פָשָֽׁעְנוּ:

121כִּי אַתָּה אֲדֹנָי

122טוֹב וְסַלָּח

123וְרַב חֶֽסֶד

124לְכָל קֹרְאֶֽיךָ:

125אַל תָּבֹא בְּמִשְׁפָּט עִמָּנוּ

126כִּי לֹא יִצְדַּק לְפָנֶֽיךָ כָּל חָי:

127אֱלֹהִים לָנוּ מַחֲסֶה וָעֹז,

128עֶזְרָה בְצָרוֹת נִמְצָא מְאֹד׃

129אֱלֹהִים יְחָנֵּנוּ וִיבָרְכֵנוּ,

130יָאֵר פָּנָיו

131אִתָּנוּ סֶלָה׃

132אֱלֹהִים שֹׁפֵט

133זֶה יַשְׁפִּיל וְזֶה יָרִים׃

134אֱלֹהִים בְּשִׁמְךָ הוֹשִׁיעֵנוּ,

135וּבִגְבוּרָתְךָ תְדִינֵנוּ׃

136אֱלֹהִים שִׁמְעָה תְפִלָּתֵינוּ,

137הַאֲזִינָה לְאִמְרֵי־פִינוּ׃

138יְהוָה אֱלֹהִים צְבָאוֹת

139הֲשִׁיבֵנוּ

140הָאֵר פָּנֶיךָ

141וְנִוָּשֵׁעָה׃

142כְּרַחֵם אָב עַל בָּנִים

143כֵּן תְּרַחֵם יְהֹוָה עָלֵֽינוּ:

144לַיהֹוָה הַיְשׁוּעָה,

145עַל עַמְּךָ בִרְכָתֶֽךָ סֶּֽלָה:

146יְהֹוָה צְבָאוֹת עִמָּֽנוּ

147מִשְׂגָּב לָֽנוּ, אֱלֹהֵי יַעֲקֹב סֶֽלָה:

148יְהֹוָה צְבָאוֹת,

149אַשְׁרֵי אָדָם בֹּֽטֵֽחַ בָּךְ:

150יְהֹוָה הוֹשִֽׁיעָה,

151הַמֶּֽלֶךְ יַעֲנֵֽנוּ בְיוֹם קָרְאֵנוּ:

152סְלַח נָא לַעֲו‍ֹן הָעָם הַזֶּה,

153כְּגֹֽדֶל

154חַסְדֶּֽךָ.

155וְכַאֲשֶׁר נָשָֽׂאתָה לָעָם הַזֶּה.

156מִמִּצְרַֽיִם וְעַד הֵֽנָּה.

157וְשָׁם נֶאֱמַר:

158וַיֹּאמֶר יְהֹוָה

159סָלַֽחְתִּי כִּדְבָרֶֽךָ:

160הַטֵּה אֱלֹהַי אָזְנְךָ וּשְׁמָע,

161פְּקַח עֵינֶֽיךָ וּרְאֵה שֹׁמְמֹתֵֽינוּ,

162וְהָעִיר אֲשֶׁר נִקְרָא שִׁמְךָ עָלֶֽיהָ

163כִּי לֹא עַל צִדְקֹתֵֽינוּ,

164אֲנַֽחְנוּ מַפִּילִים תַּחֲנוּנֵֽינוּ לְפָנֶֽיךָ,

165כִּי עַל רַחֲמֶֽיךָ הָרַבִּים:

166אֲדֹנָי שְׁמָֽעָה, אֲדֹנָי סְלָֽחָה,

167אֲדֹנָי הַקְשִֽׁיבָה וַעֲשֵׂה,

168אַל תְּאַחַר.

169לְמַעַנְךָ אֱלֹהַי,

170כִּי שִׁמְךָ נִקְרָא

171עַל עִירְךָ וְעַל עַמֶּֽךָ: